އައްޑޫ ސިޓީގެ ޒުވާނުން ޑްރަގްގެ ވަބާއިން ސަލާމަތް ކުރުމަށް އެންމެން ގުޅިގެން މަސައްކަތް ކުރަން ޖެހޭ ކަމަށް މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ މިހެން ވިދާޅުވީ އިއްޔެ ފުލުހުން އައްޑޫ ސިޓީގައި ހިންގި ޚާއްސަ އޮޕަރޭޝަނުގައި 80 ކިލޯގެ މަސްތުވާތަކެތި އަތުލާފައިވާ ކަމަށް ފުލުހުން ބުނެފައި ވަނިކޮށެވެ.
އެކަމާ ގުޅިގެން ރޮޒައިނާ ކުރެއްވި ޓްވީޓެއްގައި ވިދާޅުވީ އައްޑޫގެ ޒުވާނުން މަސްތުވާތަކެތީގެ ވަބާއިން ސަލާމަތް ކޮށް ޒުވާނުން ހަރުދަނާ ބަޔަކަށް ހެދުމަށްޓަކައި ހުރިހާ އެންމެންވެސް ގުޅިގެން މަސައްކަތް ކުރަން ޖެހޭ ކަމަށެވެ.
“ހައްލެއް ލިބެންދެން ހުއްޓާނުލާ މިފަދަ އޮޕަރޭޝަންތައް ކުރިއަށް ގެންގޮސް ޑްރަގް ވިޔަފާރު ހުއްޓުމަކަށް ގެނެސްދެއްވާ.” ރޮޒައިނާ ވިދާޅުވިއެވެ.
Addu ge zuvaanun masthuvaa thaketheege vabaa in salaamaikoh, harudhana bayakah hedhumah enmen gulhigen masakkai kuran eba jehey.
Maruhaba @PoliceMv
Halleh libendhen huttaanula mifadha operation thah kuriyah gengos drug viyafaari huttumakah genesdhevvaa!https://t.co/TdM3Ykh7lK— ???????? ???????????????????????????? ???????????????? ???? (@Roxeyna) October 4, 2020
ފުލުހުން އިއްޔެ ހިތަދޫ ސަރަހައްދު ކަނޑުމަތިން ހިންގި އޮޕަރޭޝަނުގައި ގިނަ އަދަދެއްގެ ބަޔަކު ވަނީ ހައްޔަރުކޮށްފައެވެ. އޭގެ ތެރޭގައި ކުރީގެ މަޝްހޫރު ފުޓުބޯޅަ ކުޅުންތެރިޔާ ޝަމްވީލް ގާސިމް(ބޮންޑާ) ވެސް ހިމެނޭ ކަމަށް މީޑިއާތަކުން ވަނީ ރިޕޯޓު ކޮށްފައެވެ. ނަމަވެސް ފުލުހުން އަދި މި އޮޕަރޭޝަންގައި ހައްޔަރުކުރި މީހުންގެ މައުލޫމާތު ހާމަކޮށްފައެއް ނުވެއެވެ.