މަސްތުވާތަކެތީގެ ވިޔަފާރިކުރާ މީހުންނަށް މި ސަރުކާރުން ސިޔާސީ ހިމާޔަތް ނުދޭނެ ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
އިމްރާން މިހެން ވިދާޅުވީ އިއްޔެ ފުލުހުން އައްޑޫ ސިޓީގައި ހިންގި ޚާއްސަ އޮޕަރޭޝަނުގައި 80 ކިލޯ އަށް ވުރެ ގިނަ މަސްތުވާތަކެތި އަތުލައިގަތުމާ ގުޅިގެންނެވެ.
އެގޮތުން އިމްރާން ކުރެއްވި ޓްވީޓެއްގައި ވިދާޅުވީ މަސްތުވާތަކެތީގެ ސަޕްލައި މަދުކުރުމުގެ މަސައްކަތް ކާމިޔާބު ކުރެވެނީ މަސްތުވާތަކެތީގެ ވިޔަފާރިކުރާ މީހުންނަށް މި ސަރުކާރުން ސިޔާސީ ހިމާޔަތް ނުދޭތީ ކަމަށެވެ.
“88 ކިލޯގެ މަސްތުވާތަކެތި އަތުލައިގަތީ ފުލުހުންގެ އެކި ފަންނުތަކުގެ، ހާއްސަކޮށް ޑީއީޑީގެ ހުނަރާއި ގާބިލުކަން ބޭނުންކޮށްގެން.” އިމްރާން ވިދާޅުވިއެވެ.
Masthuvaa thaketheege supply madhukurumuge masahkayi kaamiyaabu kurevenee masthuvaa thaketheege viyafaarikuraa meehunnah misarukaarun siyaasee himaayayi nudheythee. 88kg masthuvaathakethi athulaagathee fuluhunge eki fannuthakuge khaassakoh DED ge hunaraa qaabilukan beynun kohgen.
— Imran Abdulla (@ShimranAb) October 4, 2020
ފުލުހުން އިއްޔެ ހިތަދޫ ސަރަހައްދު ކަނޑުމަތިން ހިންގި އޮޕަރޭޝަނުގައި ގިނަ އަދަދެއްގެ ބަޔަކު ވަނީ ހައްޔަރުކޮށްފައެވެ. އޭގެ ތެރޭގައި ކުރީގެ މަޝްހޫރު ފުޓުބޯޅަ ކުޅުންތެރިޔާ ޝަމްވީލް ގާސިމް(ބޮންޑާ) ވެސް ހިމެނޭ ކަމަށް މީޑިއާތަކުން ވަނީ ރިޕޯޓު ކޮށްފައެވެ. ނަމަވެސް ފުލުހުން އަދި މި އޮޕަރޭޝަންގައި ހައްޔަރުކުރި މީހުންގެ މައުލޫމާތު ހާމަކޮށްފައެއް ނުވެއެވެ.
advertisment