ޑްރަން ޑީލަރުންނަށް އަބަދު ނުދެވި ގިނަ ފަހަރު މިނިވަން ވަނީ ސިޔާސީ ފަރާތްތަކާ ގުޅުން އޮންނާތީ ކަމަށް ކުރީގެ ނައިބް ރައީސް މުހައްމަދު ޖަމީލް އަހުމަދު ވިދާޅުވެއްޖެއެވެ.
ޖަމީލް މިހެން ވިދާޅުވީ އިއްޔެ ފުލުހުން އައްޑޫ ސިޓީގައި ހިންގި ޚާއްސަ އޮޕަރޭޝަނުގައި 80 ކިލޯ އަށް ވުރެ ގިނަ މަސްތުވާތަކެތި އަތުލައިގަތުމާ ގުޅިގެން ކުރެއްވި ޓްވީޓެއްގައެވެ.
އެގޮތުން ޖަމީލް ވިދާޅުވީ އަތޮޅު ތެރޭގައި މަސްތުވާތަކެތީގެ ނެޓްވޯކް ފުޅާވެފައިވާ މިންވަރު އައްޑޫގެ އޮޕަރޭޝަނުން އެކަނި ވެސް ސާފުވެގެން ދާ ކަމަށެވެ. މިފަދަ ބޮޑެތި ކުށްވެރިން ގާނޫނުގެ ކުރި މައްޗަށް ގެނައުމަށް ދިމާވާނެ އެންމެ ބޮޑު ގޮންޖެހުމަކީ މި ފަދަ ކުށުގައި ހައްޔަރު ކުރާ މީހުން ސިޔާސީ ފަރާތްތަކާ ގުޅިފައިވުމުން ކަމަށް ޖަމީލް ވިދާޅުވިއެވެ.
“ސަރުކާރުން ޖެހޭ އެއްވެސް ކޮޅަކަށް ނުޖެހި ތިބެ މަސްތުވާތަކެއްޗާ ދެކޮޅަށް ނިކުންނަން. ވެރިކަން ކުރާ މައި ޕާޓީގެ އޮފިޝަނުން އާންމުކޮށް ކުށްވެރިންގެ ދިފާއުގައި ވަކާލާތު ކުރޭ.” އެމްޑީޕީ އަށް ނިސްބަތް ކުރައްވައި ޖަމީލް ވިދާޅުވިއެވެ.
… apparent political connections often render such efforts meaningless & criminals walk free. Govt must adhere to national & int. obligations to combat narcotics without bias. Top ruling party officials often advocate for criminals’ defence. @USAmbSLM @EU_Maldives 2/2 pic.twitter.com/XODqzRiTsx
— Mohamed Jameel Ahmed (@MJameelAhmed) October 4, 2020
ކަނޑުމަގުން އައްޑު އަތޮޅު ހިތަދޫއަށް ގެންދަން އުޅުނު މަސްތުވާތަކެތީގެ ތެރޭގައި ގާތްގަނޑަކަށް 80 ކިލޯގެ މަސްތުވާތަކެތި ހިމެނޭ ޕޮލިސް ކޮމިޝަނާ މުހައްމަދު ހަމީދު ވަނީ ވިދާޅުވެފަ އެވެ.
މިކަމާ ގުޅިގެން ހޯމް މިނިސްޓަރު އިމްރާން އަބްދުﷲ ވިދާޅުވީ މަސްތުވާތަކެތީގެ ވިޔަފާރިކުރާ މީހުންނަށް މި ސަރުކާރުން ސިޔާސީ ހިމާޔަތް ނުދޭނެ ކަމަށެވެ.
advertisment