ރާއްޖޭގެ ބޯޑަރު އަލުން ހުޅުވާލި ފަހުން 18،000 އަށްވުރެ ގިނަ ފަތުރުވެރިން ރާއްޖެއަށް އައިސްފައިވާ ކަމަށް އިމިގްރޭޝަނުން ބުނެފި އެވެ.
ސެޕްޓެމްބަރު މަހު އެންމެ ގިނަ ފަތުރުވެރިން އައި ގައުމަކީ ރަޝިއާއިންނެވެ. އެގައުމުން 2065 ފަތުރުވެރިން އައި އިރު، ދެވަނަ އަށް އެންމެ ގިނައިން އައީ ޔޫއޭއީންނެވެ. އެގޮތުން ޔުއޭއީން 1029 ފަތުރުވެރިން އައިއިރު، އެމެރިކާއިން 935 ފަތުރުވެރިން ވަނީ ރާއްޖެ ޒިޔާރަތްކޮށްފައެވެ. މީގެއިތުރުން އިނގިރޭސިވިލާތުން 625 ފަތުރުވެރިން އަދި ސްޕެއިންއިން 466 ފަތުރުވެރިން ރާއްޖެ ޒިޔާރަތްކޮށްފައިވާކަމަށް ތަފާސް ހިސާބުތަކުން ދައްކައެވެ.
ތިން މަހުގެ އެވަރޭޖް ނަންބަރުތަކަށް ބަލާއިރު ޖުލައި މަހު ދުވާލެއްގެ މައްޗަށް އެވަރޭޖްކޮށް އައިސްފައިވަނީ 100 ފަތުރުވެރިންނެވެ. އަދި އޮގަސްޓް މަހު ދުވާލަކު އެވަރޭޖްކޮށް 218 ފަތުރުވެރިން އައިއިރު، ސެޕްޓެމްބަރު މަހު މި އަދަދު ވަނީ 45.9 ޕަސެންޓު އިތުރުވެ، 318އަށް އިތުރުވެފަ އެވެ.
advertisment