ކ. އަތޮޅު އަދާރަން ރަންނާޅި ރިސޯޓުގައި ބިދޭސީއަކު ކަރަންޓުގައި ޖެހިގެން މަރުވެއްޖެއެވެ.
ފުުލުހުން ބުނީ ރަންނާޅި ރިސޯޓުގައި ކަރަންޓުގައި ޖެހިގެން މީހަކު މަރުވި މައްސަލައެއް ރޭ 8:00 އެހާކަންހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
އެ ހާދިސާ ހިނގާފައި ވަނީ އިއްޔެ އިރުއޮއްސި 6:30 އެހާކަންހާއިރު ކަމަށާއި އެ ހާދިސާގައި މަރުވެފައި ވަނީ ސްރީލަންކާގެ ރައްޔިތެއް ކަމަށް ވެސް ފުލުހުން ވަނީ ބުނެފައެވެ.
އެ މީހާ ކަރަންޓުގައި ޖެހިގެން ރޭ ގާތްގަނޑަކަށް 7:30 ހާއިރު ފަރުވާއަށް ގެންދިޔައީ ކ. މާފުށީ ހެލްތު ސެންޓަރަށެވެ.
އެ މައްސަލައާ ގުޅިގެން ބަލަން ޖެހޭ ކަންކަން ބަލަމުންދާ ކަމަށް ފުލުހުން ބުންޏެވެ.