މަސްތުވާތަކެތީގެ ތެރެއިން މިއަހަރުގެ ޖޫން މަހާ ހަމައަށް ނައްތާނުލެވިހުރި 300 ކިލޯއަށްވުރެ ގިނަ މަސްތުވާތަކެތި ނައްތާލުމުގައި އޮބްޒާވަރުންގެ ގޮތުގައި އާންމު ރައްޔިތުންނަށް ބައިވެރިވުމުގެ ފުރުސަތު މިއަދު ފުލުހުންގެ އިދާރާއިން ހުޅުވާލައިފިއެވެ. މަސްތުވާތަކެތި ނައްތާލުމުގެ ހަރަކާތުގައި އާންމު ރައްޔިތުންގެ ތެރެއިން އޮބްޒާވަރުންގެ ގޮތުގައި ބައިވެރިވެލެއްވުމަށް ބޭނުންވާ ފަރާތްތަކުން ނަން ނޯޓުކުރުމުގެ ފުރުސަތު މިހާރު ވަނީ ހުޅުވާލާފައެވެ.
ފުރުސަތު ހުޅުވާލާފައިވަނީ މާދަމާ މެންދުރު 14:00 އާހަމައަށެވެ.
އަދި މި ހަރަކާތުގައި ބައިވެރިވާން ބޭނުންވާ ފަރާތްތަކުގެ މައުލޫމާތު ޕޮލިސް މީޑިއާ މެއިލް media@police.gov.mv އަށް މެއިލް ކުރުމަށް ވަނީ ފުލުހުން އެދިފައެވެ.
ފމިހަރަކާތުގައި އާންމު ރައްޔިތުންނަށް ގޮތުގައި ބައިވެރިވުމުގެ ފުރުސަތު ދިނުމަށްހަމަޖެހިފައިވަނީ ވަކި މިންވަރަކަށެވެ. އެއީ މެއިލް ކުރާ ތަރުތީބުން ނެވެ.
މަސްތުވާތަކެތި ނައްތާލުން ކުރިއަށް ގެންދިއުމަށް ހަމަޖެހިފައިވަނީ އަންނަ ބުރާސްފަތި ދުވަހު ދޫނިދޫގައި ކަމަށް ފުލުހުން ވިދާޅުވިއެވެ.