ވެންޓިލޭޓަރު މައްސަލައިގައި އޭސީސީން ކުރި ތަހުގީގަށްފަހު ކުރީގެ ހެލްތު މިނިސްޓަރު އަބްދުﷲ އަމީން އާއެކު 11 ބޭފުޅެއްގެ މައްޗަށް ދައުވާކުރަން ފޮނުވި މައްސަލަ ހެކި ނެތް ކަމަށް ބުނެ ޕްރޮސެކިއުޓަރ ޖެނެރަލްގެ އޮފީހުން އިއްޔެ ވަނީ އަނބުރާލާފައެވެ.
މިކަމާ ގުޅިގެން އަމީނުގެ އިތުބާރު ނެތްކަމުގެ މައްސަލައެއް ރައްޔިތުންގެ މަޖިލީހަށް ސަރުކާރު ހިންގާ މައިޕާޓީ އެމްޑީޕީގެ 24 މެންބަރަކު އިސްވެ ސޮއިކޮށް ވަނީ ވައްދާފައެވެ. ސޮއި ކުރި މެމްބަރުންގެ ތެރޭގައި މެމްބަރު ޝިފާއުގެ ނަން ނުހިމެނޭތީ ގިނަ ބަޔަކު އަންނަނީ އޭނާ އަށް ފާޑުކިޔަމުންނެވެ.
މިކަމާ ގުޅިގެން ޝިފާއު ކުރެއްވި ޓްވީޓެއްގައި ވިދާޅުވީ އެމްޑީޕީގެ ވެރިއަކު ހުރެ އެމްޑީޕީގެ މެޖޯރިޓީ މަޖުލީހަކުން އެވެރިމީހާ އައްޔަންކުރި ވަޒީރެއްގެ އިތުބާރުނެތްކަމަށް ވޯޓެއްނަގަންވާނީ ރައީސްއާ އާ މަޝްވަރާކުރެވިގެން ކަމަށެވެ.
“ވަޒީރު ގޯސްވީމާ އެވާހަކަ ރައީސް އަށް ދެންނެވި. ވަޒީރު ދުރުކުރުމުގެ ފުރުސަގު ރައީސް އަށް ދޭންވާނޭ.” ޝިފާއު ވިދާޅުވިއެވެ.
އަޅުގަނޑު އިއްޔެވެސް ބުނީ، މިއަދުވެސް ބުނާނީ މޑޕ ގެވެރިއަކު ހުރެ މޑޕ މެޖޯރިޓީ މަޖުލީހަކުން އެވެރިމީހާ އައްޔަންކުރި ވަޒީރެއްގެ އިތުބާރުނެތްކަމަށް ވޯޓެއްނަގަންވާނީ ރޖ އާ މަޝްވަރާކުރެވިގެނޭ.
ވަޒީރު ގޯސްވީމާ އެވާހަކަ ރޖ އަށް ދެންނެވި ވަޒީރު ދުރުކުރުމުގެ ފުރުސަގު ރޖ އަށް ދޭންްވާނޭ
— MP Mohamed Shifau (@mhshifau) October 21, 2020
އަމީންގެ މައްސަލަ ތަހުގީގު ކުރަމުންދަނިކޮށް އޭނާ ވަނީ ރޭގެ ވަގުތެއްގައި މަގާމުން އަމިއްލަފުޅަށް އިސްތިއުފާ ދެއްވާފައެވެ.
އަމީން ރައީސް އިބްރާހިމް މުހައްމަދު ސޯލިހަށް ލިޔުއްވި އިސްތިއުފާގެ ސިޓީގައި އޭނާ އެކަން ސިފަ ކުރެއްވީ އެއީ “އޭނާއަށް އަމާޒުވި އެތިފަހަރެއް ނޫން” ކަމުގަ އެވެ. އެކަން ރައީސްއާއެކު ކުރުވުނު މަޝްވަރާތަކުން ވަރަށް ރަނގަޅަށް ސާފުވާކަމަށްވެސް އެ ސިޓީގައި އޭނާ ވިދާޅުވެފައިވެ އެވެ.
advertisment