ގައުމުގެ މުސްތަގުބަލު ބިނާކުރާނީ ޒުވާނުންގެ ބަސް ހިމަނާގެން ކަމަށް ރައީސުލްޖުމްހޫރިއްޔާ އިބްރާހީމް މުހަންމަދު ސޯލިހް ވިދާޅުވެއްޖެއެވެ.
ރައީސް މިހެން ވިދާޅުވީ މިއަދު ފާހަގަކުރަމުންދާ ޒުވާނުންގެ ދުވަހާ ގުޅިގެން ކުރެއްވި ޓްވީޓެއްގައެވެ.
ރައީސްކުރެއްވި ޓުވީޓުގައި ވިދާޅުވެފައިވަނީ ގައުމު ކުރިއަށް ގެންދަން ތިބި ބަޔަކީ ޒުވާނުން ކަމަށާއި ދައުލަތުގެ ޒިންމާ އަކީ ޒުވާނުންގެ ކިބައިގައި ހުރި ހުނަރުތައް ދައްކާލުމަށް ފުރުސަތުތައް ތަނަވަސްކޮށްދިނުން ކަމަށެވެ.
މީގެ އިތުރުން ރައީސް ވިދާޅުވީ އެ ފުރުސަތުތައް ޒުވާނުންނަށް ފަހިކޮށްދިނުމާއެކު ގައުމުގެ މުސްތަގުބަލު ބިނާކުރުމުގައި ޒުވާނުންގެ ބަސް ހިމަނާނެ ކަމަށެވެ.
މިދިޔަ އަހަރުން ފެށިގެން ސަރުކާރުން ވަނީ ޒުވާނުންގެ ދުވަސް ކޮންމެ އަހަރެއްގެ އޮކްޓޫބަރު މަހުގެ 22 ވަނަ ދުވަހު ފާހަގަކުރުމަށް ނިންމާފައެވެ.
advertisment