ބ.މުތާފުއްޓަށް ދަތުރުދިޔަ ބަޔަކު ހާލުގައި ޖެހިއްޖެއެވެ.
އެމްއެންޑީއެފުން ބުނީ މުތާފުއްޓަށް ދަތުރުދިޔަ ބަޔަކު، މޫސުން ގޯސްވެ އެނބުރި ރަށަށް ދަތުރު ނުކުރެވިގެން އެމްއެންޑީއެފްގެ އެހީ އަށް އެދިފައިވާ ކަމަށެވެ.
އެމްއެންޑީއެފް ނޮދަން އޭރިއާ، ކޯސްޓްގާޑްގެ ސްކޮޑްރަން އިން މިހާރު އެ ފަރާތްތަކަށް އެހީވާން ހަރަކާތްތެރިވާން ފަށާފައިވާކަމަށްވެސް ފުލުހުން ވިދާޅުވިއެވެ.
މިކަމުގެ ރިޕޯޓު ލިބިފައިވަނީ މިއަދު މެންދުރު 2:15 ހާއިރު ކަމަށް އެމްއެންޑީއެފުން ބުނެއެވެ.
ދަތުރުދިޔަ ޓީމުގައި 11 މީހުން ތިބިއިރު، އޭގެތެރޭގައި ހަ ކުޑަކުދިންނާއި 5 އަންހެނުން ހިމެނެއެވެ.