ރައީސް ސޯލިހް އެމެރިކާގެ އިންތިހާބީ ރައީސް ބައިޑެން އަށް މަރުހަބާ ދަންނަވައިފި

އެމެރިކާގެ 46 ވަނަ ރައީސަކަށްއިންތިހާބުވި ޖޯ ބައިޑަން އަށް ރައީސް އިބްރާހިމް މުހައްމަދު ސޯލިހް މަރުހަބާ ދަންނަވައިފިއެވެ

ރައީސް ސޯލިހް ކުރެއްވި ޓުވީޓެއްގައި ވިދާޅުވީ އެމެރިކާގެ 46 ވަނަ ރައީސަކަށް ބައިޑެން އިންތިހާބުވެވަޑައިގެންނެވުމާ ގުޅިގެން އޭނާ އަށް މަރުހަބާ ދަންނަވާ ކަމަށެވެ.

އަދި މީގެ އިތުރުން އެމެރިކާއާ ގުޅިގެން މަސައްކަތް ކުރެއްވުމަށް އުއްމީދު ކުރައްވާ ކަމަށްވެސް ރައީސް ސޯލިހް ވިދާޅުވިއެވެ.

ޚާއްސަކޮށް ކޮވިޑް-19 ގެ ބަލިމަޑުކަމުން އަރައިގަތުމަށް ކުރަމުންދާ މަސައްކަތުން ފެށިގެން މޫސުމީ ބަދަލުތަކުން އަރައިގަތުމަށް ކުރަމުންދާ މަސައްކަތުގައި އެކުގައި މަސައްކަތް ކުރެއްވުމަށް އުއްމީދު ކުރައްވާ ކަމަށް ވެސް ރައީސް ވިދާޅުވިއެވެ.