ގެއްލެމުންދާ ރާއްޖޭގެ މިނިވަންކަމަށް އެންމެން ފާރަވެރިވާން ޖެހިއްޖެ ކަމަށް ގުރައިދޫ ދާއިރާގެ މެމްބަރު އަދި ޕީޕީއެމްގެ ނައިބް ރައީސް މުހައްމަދު ޣައްސާން މައުމޫން ވިދާޅުވެއްޖެއެވެ.
ޣައްސާން މިހެން ވިދާޅުވީ މިއަދު ފާހަގަކުރަމުން މިދާ ޖުމްހޫރީ ދުވަހުގެ ތަހުނިޔާ ދިވެހި ލޮބުވެތި ރައްޔިތުންނަށް ދަންނަވާ ކުރެއްވި ޓްވީޓެއްގައެވެ.
އެގޮތުން ޣައްސާން ވިދާޅުވީ ޖުމްހޫރިއްޔަތަށް 53 އަހަރު ފުރޭއިރު، ރާއްޖޭގެ ހާލަތާ މެދު ކަންބޮޑުވާ ކަމަށެވެ.
“އިގްތިސާދަށް، ސިއްހީ ހާލަތަށް، ގެއްލެމުންދާ މިނިވަންކަމަށް އެންމެން ފާރަވެރިވާން ޖެހިއްޖެ. ޒުވާނުން އިސްނަގަންވެއްޖެ.” ޣައްސާން ވިދާޅުވިއެވެ.
Jumhooree dhuvahuge thahniya emnehai lobuvethi ukhthunnai akhunnah dhannavan. Jumhooriyyathah 53 aharu furey iru, Raajjeyge haalathaa medhu kanboduvey. Igthisoadhah, sihhee haalathah, gellemundha minivakamah emmen faaraverivaan jehijje. Zuvaanun isnaganvejje. ???????? pic.twitter.com/sf1h3rkcE4
— Mohamed Ghassan Maumoon (@mgmaumoon) November 11, 2020
ޣައްސާން މިހެން ވިދާޅުވިއިރު، ރައީސްކަމުގެ މަގާމުގައި ހުންނެވިހާ ދުވަހަކު، އެންމެ ބޮޑު ސަމާލުކަމެއް ދެއްވާނީ ދިވެހިންގެ ދީނީ އެއްބައިވަންތަކަން ޙިމާޔަތްކުރުމާއި، ރާއްޖޭގެ މިނިވަންކަމާއި ސިޔާދަތު ކަށަވަރުކުރުމަށް ކަމަށް ރައީސް އިބްރާހިމް މުހައްމަދު ސޯލިހު މިއަދު ވަނީ ވިދާޅުވެފައެވެ.
ރައީސް މިހެން ވިދާޅުވިއިރު މި ގައުމުގެ މިނިވަންކަން ސަރުކާރުން ބޭރު ގައުމަކަށް ވިއްކާލާފައިވާ ކަމަށް ބުނެ އިދިކޮޅުން އަންނަނީ ސަރުކާރަށް ތަފާތު އެކި ތުހުމަތުތަށްކޮށް ފާޑުކިޔުންތައް އަމާޒުކުރަމުންނެވެ. ނަމަވެސް އެ ތުހުމަތުތައް ސަރުކާރުން އަންނަނީ ތަކުރާރުކޮށް ދޮގު ކުރަމުންނެވެ.
advertisment