މި ސަރުކާރުގެ އިންސާފުގެ ދަތުރުން ފެންނަނީ ޒާތީ ހަސަދަ ފިލުވުމަށް އެތައް ރައްޔިތެއްގެ ހައްގު ގުރުބާން ކުރިތަންކަން ކަމަށް ގުރައިދޫ ދާއިރާގެ މެމްބަރު މުހައްމަދު ޣައްސާން މައުމޫން ވިދާޅުވެއްޖެއެވެ.
ޣައްސާން މިހެން ވިދާޅުވެފައިވަނީ ކުރީގެ ރައީސް އަބްދުﷲ ޔާމީން އލފަސް އަހަރަށް ޖަލަށްލުމަށާއި ފަސް މިލިއަން ޑޮލަރުން ޖޫރިމަނާ ކުރުމަށް ހުކުމް އިއްވެވި ފަނޑިޔާރު، އަލީ ރަޝީދުގެ އާއިލާގެ ހުރިހާ މެމްބަރުންނަށް ހިޔާ ފްލެޓު ލިބިފައިވާތީ އެކަމަށް އިޝާރާތް ކުރައްވައެވެ.
އެގޮތުން ޣައްސާން ކުރެއްވި ޓްވީޓެއްގައި ވިދާޅުވީ އަދުލު އިންސާފުގެ އަސާސަކީ ހަމަހަމަ ކަން ކަމަށެވެ.
“އިންސާފުގެ ދަތުރުގެ ވާހަކައިން ރައްޔިތުން ބެއްލެވީ އެ މިންގަޑަށް. ފެންނަނީ ޒާތީ ހަސަދަ ފިލުވުމަށް، އެތަކެއް ރައްޔިތުންގެ ހައްގު ޤުރުބާން ކުރާތަން. ބާރާއި ނުފޫޒުން އަދުން އެޅުވިތަން. ދެއްކީވެސް ހުސް ވާހަކަ ކަން. އެއްވެސް އިހުލާސްތެރި ކަމެއްނެތްކަން.” ޣައްސާން ވިދާޅުވިއެވެ.
Adhul insaafge asaas akee hamahama kan. “Insaafge dhathuru” ge vaahakain rayyithun bellevy e mingandah. Fennanee zaathee hasadha filuvumah, ethakeh rayyithegge haggu gurubaan kurithan. Baaraa nufoozun andhun elhuvi than. Dhekkee hus vaahaka kan. Evves ikhlaastheri kameh neih kan. https://t.co/CtCEJkNgvY
— Mohamed Ghassan Maumoon (@mgmaumoon) February 10, 2021
ފްލެޓު ލިބުނު މީހުންގެ ލިސްޓު އާންމު ކުރިއިރު، ގއ. ވިލިނގިއްޔަށް އުފަން ގާޒީ އަލީ ރަޝީދުގެ އާއިލާގައި ހިމެނިވަަޑައިގަންނަވާ ދެ މެމްބަރުން ވެސް ހިޔާ މަޝްރޫއުގެ ދަށުން ފްލެޓް ލިބުނު މީހުންގެ ތެރޭގައި ހިމެނިވަޑައިގަންނަވައެވެ. އެއީ ފިޔާޒް ހުސައިން އާއި މަރިޔަމް ރަޝީދާއެވެ.
advertisment