ސޫފީ އަޤީދާގެ މީހަކީ ރައްޔިތުންގެ މަޖިލީހުގެ މެމްބަރުކަމުގެ ޝަރުތު ހަމަނުވަނެ މީހެއްކަމަށާއި އެހެންކަމުން އެފަދަ މީހަކު މަޖިލީހުގެ ރައީސް ކަމަށް ވެސް ޝަރުތު ފުރިހަމައެއް ނުވާނެ ކަމަށް ޑރ. މުހައްމަދު އިޔާޒު ވިދާޅުވެއްޖެއެވެ.
އިޔާޒު މިހެން ވިދާޅުވީ އިސްލާމް ދީނުގެ މަތިވެރި ހަމަތަކަށް ރާއްޖޭގެ ރައްޔިތުން ބޯލަނބަންފެށީ ސޫފީ ދަންނަ ބޭކަލުންގެ މަޑުމައިތިރި ސުލްޙަވެރި މަސައްކަތްޕުޅުންކަމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވުމާ ގުޅިގެންނެވެ.
ނަޝީދުއަށް ރައްދު ދެއްވައި އިޔާޒު ކުރެއްވި ޓްވީޓެއްގައި ވިދާޅުވީ މަޖިލިސް މެމްބަރުކަމާއި، މަޖިލިސްގެ ރައީސްކަމުގެ ކިބައިގައި ހުންނަންވާ ޝަރުތުތައް ކަނޑައެޅިފައި ވާކަމަށެވެ.
އިޔާޒު ވަނީ މަޖިލިސް މެމްބަރެއްގެ ކިބައިގައި ހުންނަންޖެހޭ ޝަރުތުތަކުގެ ގޮތުގައި ހިމެނޭ ޝަރުތުތައްވެސް އޭނާގެ ޓްވީޓުގައި ހިމަނާފައެވެ.
Sufi Aqeedhaage meehakee rayyithunge majileehuge memberukamuge sharuthu furihama nuvaane meeheh. Majlis member kamuge sharuthu furihama nuvaa meeheh majilees raees kamuge sharuthuves furihama nuvaane. pic.twitter.com/AycC4vwSFa
— Dr.Mohamed Iyaz (@dr_iyaz) November 17, 2020
ރާއްޖެ އިސްލާމްވީ ދުވަހާއި ގުޅިގެން ރައީސް ނަޝީދު ސޫފީ މަޒުހަބަށް ތާއީދުކޮށް ދެއްކެވި ވާހަތަކާ ގުޅިގެން ގިނަ ދީނީ އިލްމު ވެރިންގެ ފާޑުކިޔުންވަނީ ރައީސް ނަޝީދަށް އަމާޒުވެފައެވެ.
advertisment