އިދިކޮޅު ކޯލިޝަންގެ އިސް އެކްޓިވިސްޓެއް އިންޑިއާއިން ޑީޕޯޓުކޮށްލި މައްސަލައިގައި ޑިފެންސް މިނިސްޓަރު މާރިޔާ އަހުމަދު ދީދީ ޖޯކު ޖެއްސެވުމާއިއެކު، ދީނީ އިލްމުވެރިޔާ ޑރ މުހައްމަދު އިޔާޒް ނުރުހުން ފާޅުކުރައްވައިފިއެވެ.
“އިންޑީއާ އައުޓް” ހަރަކާތުގައި އިސްކޮށް އުޅުއްވާ އެކްޓިވިސްޓެއް އިންޑިއާއިން ޑީޕޯޓުކޮށްލުމުން ރާއްޖެ ވަޑައިގެން އެ ގައުމުގައި ތަހައްމަލު ކުރަން ޖެހުނު ކަންކަމުގެ ސަބަބުން ކީރިތި ކުރެއްވިކަމަށް ބުނެ މިނިސްޓަރު މާރިޔާވަނީ އެނާއަށް މަލާމާތުގެ ބަސްތައް ރައްދުކުރައްވާފައެވެ.
މިނިސްޓަރަށް އާންމުންގެ ފާޑުކިޔުންތައް އަމާޒުވުންވެސް ވަނީ، ދެއްކެވި ވާހަކަތައް ދިފާއު ކުރައްވާފައެވެ. އަދި އެފަދަ ކަމެއް އިތުރު ރައްޔިތަކަށް ދިމާ ނުވާކަން ޔަގީން ކުރެއްވުމަށް އެ ވާހަކަތައް ދައްކަވަންޖެހޭކަމަށް ވިދާޅުވިއެވެ.
ވާހަކަ ދެއްކުމުގައި ރިވެތި ގޮތް އިޚްތިޔާރު ކުރަންޖެހޭ. ޚާއްޞަގޮތެއްގައި ވަޒީރެއްގެ މަޤާމުގައި ހުންނަވާފައި ފުރައްސާރަކުރާ ފާޑަށް ވާހަކަ ދެއްކެވުމަކީ ވަރަށް އަދަބުކުޑަ ގޮތެއް. https://t.co/gPCQgk7NFs
— Dr.Mohamed Iyaz (@dr_iyaz) February 18, 2023
މިނިސްޓަރު މާރިޔާގެ ވާހަކަތަކަށް އިޝާރާތްކުރައްވާ ޑރ އިޔާޒްވަނީ ނުރުހުން ފާޅުކުރައްވާފައެވެ. އިޔާޒް ވިދާޅުވީ، މިނިސްޓަރު މާރިޔާ ވާހަކަދައްކަވާއިރު، ރިވެތި އުސޫލުތައް އިހުތިޔާރު ކުރައްވަންޖެހޭކަމަށެވެ. އަދި ހާއްސަ ގޮތެއްގައި ވަޒީރެއްގެ މަގާމުގައި ހުންނަވާ ބޭފުޅަކު ފުރައްސާރަ ކުރާ ފާޑަށް ވާހަކަދެއްކެވުމަކީ ވަރަށްވެސް އަދަބު ކުޑަ ގޮތެއްކަމަށް އެނާ ވިދާޅުވިއެވެ.
advertisment