މާމަގެ ގަހަނާތައް ވިއްކާލައިގެން ވެސް ރާއްޖެ އިން ކުރިން ނަގާފައި ހުރި ދަރަނިތައް ނުދެއްކޭނެކަމަށް ރައްޔިތުންގެ މަޖިލިހުގެ ރައީސް މުހައްމަދު ނަޝީދު މިއަދު ވިދާޅުވެއްޖެއެވެ.
ނަޝީދު ކުރެއްވި ޓުވީޓެއްގައި ވިދާޅުވީ އަންނަ އަހަރަށް ލަފާ ކުރާ ދައުލަތުގެ ބަޖެޓަށް ބަހުސް ކުރުން އޮންނަ އިރު، 2021 ގައި ދައުލަތުގެ އާމްދަނީގެ 53 އިންސައްތަ ހޭދަ ކުރަން ޖެހޭނީ ދަރަނި ދެއްކުމުގައި ކަމަށާއި, މީގެތެރެއިން 80 އިންސައްތަ ދަރަންޏަކީ ޗައިނާ އަށް ދައްކަން ޖެހޭ ފައިސާ ކަމަށެވެ.
މިއީ ދައުލަތަށް އުފުލޭނެ ބުރައެއް ނޫން ކަމަށް ވެސް އެމަނިކުފާނު ވިދާޅުވިއެވެ.
މި ސަރުކާރަށް ދެ އަހަރު ފުރުމާ ގުޅިގެން، އެމްޑީޕީގެ ހަރުގޭގައި އިއްޔެ ނަޝީދު ވިދާޅުވީ ބަޖެޓުގެ ދަރަނި ބޮޑުވެގެން މި އުޅެނީ، މި ސަރުކާރުން ނެގި ލޯނުތަކުގެ ސަބަބުން ނޫން ކަމަށާއި އެއީ ކުރީ ސަރުކާރުން ނެގި ލޯންތަކުގެ ސަބަބުންކަމަށެވެ.
advertisment