މުހިއްމު މަސައްކަތްތައް ނިންމުމަށްޓަކައި ރައްޔިތުންގެ މަޖިލީހުގެ ތިން ވަނަ ދައުރު ދިގު ދަންމާލުމަށް ނިންމައިފިއެވެ.
މިއަދުގެ ޖަލްސާ ފައްޓަވަމުން މަޖިލީހުގެ ރައީސް، މުހައްމަދު ނަޝީދު ވިދާޅުވީ މުހިއްމު މަސައްކަތްތައް ނިންމާލުމަށްޓަކައި މި ދައުރު ޑިސެމްބަރު މަހުގެ 7 ވަނަ ދުވަހަށް ދިގު ދަންމާލުމަށް ގަސްދުކުރައްވާ ކަމަށެވެ.
އެގޮތުން އެކަމަށް މިއަދު ވޯޓަށް އައްސަވާނެ ކަމަށް ނަޝީދު ވިދާޅުވިއެވެ.
މަޖިލީހުގެ ތިންވަނަ ދައުރު ދިގު ދަންމާލަން ނިންމާފައިވާއިރު އަންނަ އަހަރުގެ ދައުލަތުގެ ބަޖެޓު ދިރާސާ ކުރުމަށްފަހު އެކުލަވާލި ކޮމިޓީ ރިޕޯޓަށް ބަހުސް ކުރަން މިއަދު ވަނީ ފަށާފައެވެ.
އެގޮތުން ކޮންމެ މެމްބަރަކަށްވެސް ރިޕޯޓަށް ބަހުސް ކުރެއްވުމަށް 7 މިނެޓުގެ ފުރުސަތެއް ލިބިވަޑައިގަންނަވާނެއެވެ.
advertisment