ފަރީދީ މަގު ބަންދުކޮށް ކުރިޔަށްދާ މަސްތުވާތަކެތީގެ ބޮޑު އޮޕަރޭޝަންގައި، 10 މީހަކު ހައްޔަރުކޮށްފިއެވެ.
ކާރުގެ ޑިކީއަކުން ފެނުނު މަސްތުވާތަކެތީގެ މައްސަލައިގައި ފުލުހުން ވަނީ، ފަރީދީ މަގު ހިމެނޭ ބޮޑު ސަރަހައްދެއް ބަންދުކޮށްފައެވެ. އަދި އެ ސަރަހައްދު ބަލާ ފާސްކުރުމުގެ މަސައްކަތް ކުރަމުންދާއިރު، ބަންދުކޮށް ޓޭޕް ދަމާފައިވާ ތަނުގައި ބަޔަކު ތިއްބެވެ. ފުލުހުން އެ ސަރަހައްދު ބަލާ ފާސްކޮށް މަސްތުވާތަކެތި އަތުލައިގަތީ އެ މީހުންގެ ހާޒިރުގައެވެ.
ފުލުހުން ކުރިޔަށް ގެންދާ އޮޕަރޭޝަނާއި ގުޅޭ މައުލޫމާތުތައް ހިއްސާކޮށް، ޕޮލިސް ކޮމިޝަނަރު މުހައްމަދު ހަމީދު ވިދާޅުވީ އަތުލައިގެންފައިވަނީ ރާއްޖެއަށް އެތެރެކޮށްފައިވާ މަސްތުވާތަކެތި ކަމަށެވެ.
A block of Fareedhee Magu has been closed off to search and conduct forensics on a car which we suspect to contain huge amount of smuggled narcotic drugs. DED, Drug Intelligence & Marine Police have been operating on the sea and land for more than a week to disrupt this –
— Mohamed Hameed (@M_Hameedh) December 8, 2020
ހަމީދު ވިދާޅުވީ ފުލުހުންގެ ޑްރަގް އިންޓެލިޖެންސް ޑިޕާޓްމެންޓާއި، މެރިން ޕޮލިސް ގުޅިގެން ބޮޑު އޮޕަރޭޝަނެއް ކުރިޔަށް ގެންދާތާ ދުވަސްތަކެއް ވެފައިވާ ކަމަށެވެ. މައްސަލައިގައި އެކި ސަރަހައްދުތައް ބަލާ ފާސްކުރުމުގެ މަސައްކަތް ކުރިޔަށްދާއިރު، މިހާތަނަށް 10 މީހަކު ހައްޔަރުކޮށްފައިވާ ކަމަށް ހަމީދު ވިދާޅުވިއެވެ.
advertisment