ގަތަރު އެއާވޭސް އިން ރާއްޖެ އަށް ކުރާ ދަތުރުތައް އިތުރުކޮށްފި އެވެ.
މީގެ ކުރިން ގަތަރު އެއާވޭސް އިން ބާއްވަމުންދިޔައީ ހަފްތާއަކު ދެ ފްލައިޓްއެވެ. އެމްއޭސީއެލް އިން ބުނީ މިއަދުން ފެށިގެން އެ އަދަދު ތިނެކަށް ބަދަލުކޮށްފައިވާ ކަމަށެވެ.
މި ބަދަލާއެކު ގިނަ އަދަދަކަށް މީހުން ރާއްޖެ އަންނާނެ ކަމަށް އުއްމީދު ކުރާ ކަމަށް އެމްއޭސީއެލް އިން ބުނެއެވެ.
މިދިޔަ ޖުލައި މަހުގެ 15 ވަނަ ދުވަހު ރާއްޖޭގެ ބޯޑަރު އަލުން ހުޅުވާލުމާއެކު، ގިނަ އެއާލައިންތަކުން ވަނީ ރާއްޖެ އަށް އަލުން ދަތުރުތައް ފަށާފައެވެ. އެގޮތުން މިހާތަނަށް 25 ފްލައިޓެއް އަންނަނީ ރާއްޖެ އަށް ދަތުރުކުރަމުންނެވެ.