ދޯންޏެއްގައި ހުރި ޕެޓްރޯލް ހަމެއްގައި ރޯވެ ތިން މީހަކު ފިހިއްޖެއެވެ.
އެމްއެންޑީއެފުން މިއަދު ވިދާޅުވީ ހެނދުނު 9 ޖަހާކަން ހާއިރު “ވިލާ ވާލި-13” ނަމަކަށް ކިޔާ ދޯނީގައި ތިބި މީހުންގެ ތެރެއިން ތިން މީހަކު ފިހިފައިވާ ކަމަށެވެ.
އެމްއެންޑީއެފް އިން ވިދާޅުވީ ދޯނީގައި ހުރި ޕެޓްރޯލް ހަމެއްގައި ރޯވެފައި ވަނީ މ. ކޮޅުފުއްޓާއި ދިމާލު 26 މޭލު ބޭރުގައި އޮއްވާ ކަމަށެެވެ.
އަދި އޭގައި ރޯވުމުން، އަލިފާންގަނޑު ނިއްވާލާފައި ވަނީ ދޯނީގެ ފަޅުވެރިން ކަމަށް ވެސް އެމްއެންޑީއެފުން ވިދާޅުވިއެވެ.
މި ހާދިސާގައި ފިހުނު ތިން މީހުން ސީ އެމްބިއުލާންސްގައި މިހާރު އަންނަނީ އެއަތޮޅު މުލީ ހޮސްޕިޓަލަށް ގެންދިއުމުގެ މަސައްކަތް ކުރަމުންނެވެ.
advertisment