އަންނަ އަހަރު ސްކޫލްތަކާއި ކޮލެޖްތަކާއި ޔުނިވަސިޓީތަކަށް ދަރިވަރުން ހާޒިރުވެ، ކިޔަވައިދޭން ފެށޭނެ ކަމަށް އުއްމީދު ކުރައްވާ ކަމަށް ގައުމީ ޔުނިވަސިޓީގެ ޗާންސެލަރ ޑރ.ހަސަން ހަމީދު ވިދާޅުވެއްޖެއެވެ
ހަސަން ހަމީދު ކުރެއްވި ޓުވީޓެއްގައި ވިދާޅުވީ އިއްޔެ ކޮވިޑް-19 އަށް ޕޮޒްޓިވްވި މީހުންނާއިއެކު ފާއިތުވި ހަތް ދުވަހުގެ ތެރޭގައި ކޮވިޑް-19 އަށް ޕޮޒްޓިވްވި މީހުންގެ އެވްރެޖް 24.3 އަށް މަދުވެފައިވާ ކަމަށެވެ.
އޭޕްރީލް މަހު މާލޭގައި ކޮވިޑް-19 ފެތުރެން ފެށުމާއިއެކު ސްކޫލްތަކާއި ކޮލެޖްތަކާއި ގައުމީ ޔުނިވަސިޓީ ބަންދުކުރި ފަހުން އަދި ކޮލެޖްތަކާއި ޔުނިވަސިޓީއަށް ދަރިވަރުން ހާޒިރުވެ ކިޔަވައިދިނުން ކުރިއަކަށް ނުގެންދެއެވެ.
ނަމަވެސް ސްކޫލްތަކުގެ މަތީ ގްރޭޑްތަކަށް މާލޭގައި ވަނީ ކިޔެވުން ކުރިއަށް ގެންގޮސްފައެވެ.
ރާއްޖެ އިން އިއްޔެ ކޮވިޑް-19 އަށް ފައްސިވީ 20 މީހުންނެވެ. .