ޖުމްހޫރީ ޕާޓީގެ ލީޑަރު ގާސިމް އިބްރާހިމް، ޖަޕާން މީހެއްގެ އަތުން 15 މިލިއަން ޑޮލަރު އަތުލައިގަނެފައިވާކަމަށް ބުނެ ކުރީގެ ތިމަރަފުށި ދާއިރާގެ މެމްބަރު މުހައްމަދު މުސްތަފަވާ ވިދާޅުވި ވާހަކަތައް ގާސިމް ދޮގުކުރައްވައިފިއެވެ.
މުސްޠަފާ އިއްޔެ ކުރެއްވި ޓްވީޓެއްގައި ވިދާޅުވެފައިވަނީ ގާސިމް، ޖަޕާނު މީހެއް އިނދަ ޖައްސާލާފައިވާކަމަށާއި، 15 މިލިއަން ޑޮލަރު އޭނާގެ އަތުން “ކައްވާލާފައި” ވާކަމަށެވެ. އަދި ސަރުކާރުގެ ކޯލިޝަނެއް ކިޔައިގެން އުޅެނީ ވައްކަން ކުރަން ކަމަށާއި އިތުރަށް ގާސިމް އެއްޗެކޭ ވިދާޅުވެއްޖެ ނަމަ މުޅި އެތި ފަޅާ އަރުވާލާނެ ކަމަށް ބުނެ މުސްތަފާ އިންޒާރު ދީފައިވެއެވެ.
މުސްތަފާގެ މި ވާހަކަތަކާއި ގުޅިގެން ގާސިމް މިއަދު ކުރެއްވި ޓްވީޓެއްގައި ވދާޅުވެފައިވަނީ މުސްޠަފާ އޭނާއޭ ކިޔައިގެން ޓްވިޓާގައި ދައްކާފައި ވަނީު އެއްވެސް ހަގީގަތެއްނެތް ދޮގު ވާހަކަތަކެއް ކަމަށެވެ.
“މިފަދަ ނުބައި މީހުންގެ ދޮގު ވާހަކަތަކުން މުޅި އިންސާނިއްޔަތު ސަލާމަތް ކުރައްވާށި، އާމިން.” ގާސިމް ވިދާޅުވިއެވެ.
Mohamed Musthafa@thimarafushi miadhu18.58 .13 Dec20 gai alhugadey kiyaigen Twitter kohfai vanee bodu dhogu vaahaka thakeh ehves minvarehge haqee qatheh neiy buhuthaan dhogu vaahaka .mifadha nubai meehunge dhogu vaahaka thakun mulhi insaanihyathu salaamaiy kurahvaashi Aameen . pic.twitter.com/41LDgquY76
— Qasim Ibrahim (@qasimibrahim) December 13, 2020
advertisment