މާލޭގައި ހުންނަ ކެފޭއެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފްގެ ފަޔަރ އެންޑް ރެސްކިއު ޓީމުން ހަރަކާތްތެރިވާން ފަށައިފިއެވެ.
އެމްއެންޑީއެފްއިން ބުނެފައިވަނީ މި ހާދިސާގެ ރިޕޯޓު ލިބިފައި ވަނީ މިއަދު 11:15 ގައި ކަމަށާއި އަލިފާން ރޯވީ ގަލޮޅުގައި ހުރި “ސަލްމަން” ކެފޭގެ ބަދިގޭގައި ކަމަށެވެ.
އަލިފާން ރޯވީ ކެފޭގެ ބަދިގޭގައި ހުރި ގޭސްފުޅި މަތީގައި އޮތް ތުވާއްޔެއްގައި ކަމަށާއި އަލިފާން ތުވާލީގައި ހިފައި ގޭސްފުޅީގެ ހޮޅި އަދާފައިވާކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ މިހާރު އަލިފާގަނޑު ކޮންޓްރޯލް ކޮށްފައިވާ ކަމަށެވެ.