ބޯޑަރު ހުޅުވާލިފަހުން އިއްޔެ އެކަނި ވެސް 4567 ފަތުރުވެރިން ރާއްޖެއައިސްފިއެވެ.
ކޮވިޑް19ގެ ބަލިމަޑުކަމާ ގުޅިގެން މާޗު 27ގައި ބޯޑަރު ބަންދުކުރުމަށް ފަހު އަލުން ހުޅުވާލީ ޖުލައި 15 ގައެވެ. އޭގެ ފަހުން މަހުން މަހަށް ރާއްޖެ އަންނަ ފަތުރުވެރިންގެ އަދަދު ދަނީ އިތުރުވަމުންނެވެ.
ބޯޑަރު ހުޅުވާލިފަހުން 18 ޑިސެމްބަރުގެ ނިޔަލަށް 122,245 ފަތުރުވެރިން ރާއްޖެ އައިސްފައިވެ އެވެ.
މި އަހަރުގެ ތެރޭގައި އެހާތަނަށް ޖުމްލަ 505,092 ފަތުރުވެރިން ވަނީ އައިސްފަ އެވެ.
މިވަގުތު ޖުމްލަ 458 ޓޫރިސްޓު ފެސިލިޓީ އޮޕަރޭޝަނުގައި އެބައޮތެވެ. އެއީ 138 ރިސޯޓު،މެރީނާ ނުވަ ހޮޓެލް އަދި 129 ސަފާރީ އާއި 182 ގެސްޓްހައުސް އެވެ.