ޓްރާންސްފަރ ކުރިކަމުގެ ސައްހަ ނޫން ސްލިޕްތަކެއް ހަދައިގެން އޮޅުވާލައިގެން މުދާތަކެއް ގެންދިޔަ މީހެއްގެ މައުލޫމާތު ފުލުހުން އާއްމުކޮށްފިއެވެ.
ހުޅުމާލޭ ޕޮލިސް ސްޓޭޝަނުން ތަހުގީގުކުރަމުންދާ މައްސަލައެއްގައި ހޯދަމުން އަންނަނީ އއ. މަތިވެރި، ހަނދުވަރީގެ އުމުރުން 29 އަހަރުގެ އަބްދުﷲ ޖަމީލްކަމަށެވެ.
ފުލުހުން ވިދާޅުވީ، އެ ޒުވާނާ ހޯދަނީ އިތުރު ބަޔަކާއި ބައިވެގެން އަސްލަށް ބަދަލުގެނެސް ހަދާފައިވާ ޓްރާންސްފަރ ސްލިޕްތަކެއް ބޭނުންކޮށްގެން މިދިޔަ މަހުގެ 17 ވަނަދުވަހު ސިނގިރޭޓް ކާރޓޫންތަކެއް ގެންދިޔަކަމަށް ތުހުމަތުކުރެވޭ މައްސަލައެއްގައި ކަަމަށެވެ.
އޭނާގެ ފޮޓޯ އާއްމުކޮށްފައި ވަނީ، މަކަރާއި ހީލަތުގެ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ޗިޓް އޭނާ އާ ރައްދުކުރެވިފައި ނުވުމުން ކަމަށް ފުލުހުންނ ވިދާޅުވިއެވެ.
advertisment