ސަރުކާރުގެ މައިގަނޑު އެއް އަމާޒަކީ ރާއްޖޭގެ ދަތުރުފަތުރު ނިޒާމު ހަރުދަނާކޮށް މި ނިޒާމު ކައިރި ގައުތަކާއި ގުޅާލެވި އެކަށީގެންވާ އަވަސް ހިދުމަތްތަކެއް އެކަށީގެންވާ އަަވަސް މިނެއްގައި ރައްޔިތުންނަށް ފޯރުކޮށްދިނުން ކަމަށް ޓްރާސްޕޯޓު މިނިސްޓަރު އައިޝަތު ނަހުލާ ވިދާޅުވެއްޖެ އެވެ.
މިނިސްޓަރު ނަހުލާ ވިދާޅުވީ، ދަތުރުފަތުރުގެ ދުވެލި އަވަސްވެ ކަނެކްޓިވިޓީ އިތުރުވެގެން ދިޔުމުން ތަކެތީގެ އަގުހެޔޮ ވެގެންދާނެ ކަމަށެވެ.
މި ރޮގުން ސަރުކަާރުން ގިނަ މަސައްކަތްތަކެއް ކުރައްވަމުން ގެންދަވާކަން ފާހަގަކުރައްވަމުން މިނިސްޓަރު ވިދާޅުވީ ރާއްޖޭގެ އުތުރާއި ދެކުނުގައި ތަރައްގީކުރެވިފައިވާ ބަނަދަރުތަކަށް އިންޑިއާއިން ކާގޯ ފެރީގެ ހިދުމަތް ފެށިގެން ދިޔުމަކީ ރައީސް ސޯލިހުގެ ރިޔާސީ ވައުދެއްކަމަށް ނަހުލާ ވިދާޅުވިއެވެ.
އަދި އެއީ އަތޮޅުތަކުގެ ވިޔަފާރި ވެރިންނަށް އަތްފޯރާ ފަށެއްގައި މުދަލާއި ކާބޯތަކެތި އެތެރެކުރުމަށް ދެކުނާއި އުތުރުގައި ހުޅުވުނު މައި ދޮރައަޓެއް ކަމުގައި ވެގެން ދާނެކަމަށާޢި މިކަމުގެ ސަބަބުން ރާއްޖެއަށް އިގްތިސާދީ ކުރިއެރުންތަށް ލިބި ބާޒާރުން ހެޔޮ އަގުގައި ތަކެތި ފޯރުކޮށްދެވޭނެ ކަަމަށް މިނިސްޓަރު ނަހުލާ ވިދާޅުވިއެވެ.
ރާއްޖޭގެ އަމިއްލަ ޝިޕިންލައިނެއް ވުޖޫދުވުމަކީ މެރިޓައިމް ދާއިރާއަށް ލިބުނު ނުހަނު ބޮޑު ކުރިއެރުމެއް ކަމަށް މިނިސްޓަރު ފާހަގަކުރެއްވިއެވެ. ތިނަދޫގައި ބައިނަލް އަގުވާމީ އެއާޕޯޓަކާއި ބައިނަލް އަގުވާމީ ސީޕޯޓެއް ތަރައްގީކުރުމަކީ ރައީސް އިބްރާހިމް މުހައްމަދު ސޯލިހްގެ ރިޔާސީ ވައުތަކުގެ ތެރެއިން ބޮޑު ވައުދެކެވެ.
advertisment