ކުރީގެ ޓްރާންސްޕޯޓް މިނިސްޓަރު އައިޝަތި ނަހުލާ މަޖިލީހަށް ވާދަކުރުމަށް ނިންމަވާފައިވާކަން އިއުލާން ކުރައްވައިފިއެވެ.
ނަހުލާ މިކަން ހާމަ ކުރެއްވީ އެކްސްގައި ހިއްސާ ކުރެއްވި ޕޯސްޓެއްގައެވެ.
ޖުމްހޫރީ ޕާޓީ (ޖޭޕީ) ގެ ޓިކެޓުގައި ނަހުލާ ވާދަ ކުރައްވަނީ ހުޅުމާލެ ދެކުނު ދާއިރާއަށެވެ.
އައްސަލާމް ޢަލައިކުމް
2024 ވަނަ އަހަރު ބޭއްވުމަށް ހަމަޖެހިފައިވާ މަޖިލިސް އިންތިހާބުގައި ހުޅުމާލެ ދެކުނުދާއިރާއަށް ޖުމްހޫރީ ޕާޓީގެ ފަރާތުން މާތް ﷲގެ ވާގިފުޅާއިއެކު އަޅުގަނޑު ޢައިޝަތު ނަހުލާ(ޢައިޝާ)ކުރިމަތިލުމަށް ނިންމައިފީމެވެ.1/2
— Aishath Nahula (@aishath_nahula) January 1, 2024
ނަހުލާ ވިދާޅުވީ އުންމީދަކީ ދާއިރާގެ އެންމެހާ ރައްޔިތުން އޭނާއަށް ތާއީދުކޮށް، ވޯޓު ދެއްވުންކަމަށެވެ.
ނަހުލާއަކީ ޖުމްހޫރީ ޕާޓީގެ ނައިބު ލީޑަރުވެސްމެއެވެ.
ޖޭޕީގެ ޓިކެޓުގައި މަޖިލީހަށް ވާދަ ކުރެއްވުމަށް ބޭނުންވާ ފަރާތްތަކަށް އެ ފުރުސަތު ހުޅުވާލާފައިވާއިރު، އެޕާޓީން ބުނީ، އެފުރުސަތު މިމަހުގެ 25 ވަނަ ދުވަހާއި ހަމައަށް އޮންނާނެކަމަށެވެ.