ރައީސް އިބްރާހިމް މުހައްމަދު ސޯލިހުއަށް ވެރިކަމާ ދައުލަތުގެ ބާރުތައް ޖަމާކޮށްދިނީ ކުރީ ދިމާވަމުންދާ މައްސަލަތުގެ ޒިންމާ ކުރީގެ ސަރުކާރުގެ ބޮލުގައި އަޅުވަންތޯ މާވަށު ދާއިރާގެ މެމްބަރުު މުހައްމަދު ސައީދު ސުވާލު ކުރައްވައިފިއެވެ.
ސައީދު މިހެން ވިދާޅުވީ ރައީށް އަބްދުﷲ ޔާމީންގެ ސަރުކާރުތަކުން މިފްކޯ ތަރައްގީކުރިނަމަ، އުތުރުގެ މަސްވެރިންގެ ޝަކުވާތައް މިއަދު ނުހުންނާނެ ކަމަށް މިފްކޯގެ މެނޭޖިންގ ޑިރެކްޓަރު އިސްމާޢީލް ފައުޒީ ވިދާޅުވުމާ ގުޅިގެންނެވެ.
ފައުޒީއަށް ރައްދު ދެއްވައި ސައީދު ކުރެއްވި ޓްވީޓެއްގައި ވިދާޅުވީ 1953ގެ ސަރުކާރުން މަސް ދަޅުގައި ބަންދުކުރަންފެށި ނަމަ މިފްކޯ ވެސް އުފައްދާކަށް ނުޖެހުނީސް ކަމަށެވެ.
“ރައީސް ސޯލިހުއަށް ވެރިކަމާއި މުޅި ދައުލަތޔގެ ހެއްދެވިހިބާރެއް ޖަމާކޮށްދިނީ ކުރީ ސަރުކާރޭ ކިޔަންތޯ؟” ސައީދު ވިދާޅުވިއެވެ.
1953 ge sarukaarun masdhalhuga bandhukuranfeshinama mifco ves ufa’dhaakah nujehunees. Raees Ibu ah verikamaai mulhi dhaulathuga he’dhevihaa baareh jamaa koh dhinee kuree sarukaarey kiyantho??? pic.twitter.com/zq62EO9DTk
— Mohamed Saeed (@em_saeed) December 22, 2020
މިމަހުގެ އެކި ދުވަސްތަކުގައި މަސްވެރިން މަހަށް ނުގޮސް ކަނޑުމަތީގައާއި، ފެލިވަރުގައި މަސްވެރިން އަންނަނީ އިހުތިޖާޖުކުރަމުންނެވެ.
މަސްވެރިން ކުރަމުން އަންނަ އިހުތިޖާޖުގައި މަސްވެރިން އަންނަނީ މަހުގެ އަގު 20 ރުފިޔާއަށްވުރެ ދަށް ނުވާވަރަށް ދެމެހެއްޓުމާއި، ފެލިވަރުން މަސްވެރިންނަށް ފަސޭހައިން އައިސް ލިބޭނެގޮތް ހަމަޖައްސައި ދިނުމަށާއި އަދި ދުވަހުން ދުވަހަށް މަސް ކިރޭނެ އިންތިޒާމު ހަމަޖައްސައިދިނުމަށް ގޮވާލަމުންނެވެ.
އަދި މި ކަންބޮޑުވުންތަކާއި ގުޅޭ ގޮތުން ރައީސް އިބްރާހީމް މުހައްމަދު ސާލިހާއި ބައްދަލުކުރަން ބޭނުންވާ ކަމަށްވެސް މަސްވެރިން އަންނަނީ ބުނަމުންނެވެ.