ރައީސް އިބްރާހިމް މުހައްމަދު ސޯލިހު ސަރުކާރުގެ އަމާޒުހުރީ ރައްޔިތުންގެ މެދުގައި ނަފްރަތާއި ރުޅިވެރިކަން އުފައްދަން ކަމަށް މާވަށު ދާއިރާގެ މެމްބަރު އަދި ޕީއެންސީގެ ނައިބް ރައީސް މުހައްމަދު ސައީދު ވިދާޅުވެއްޖެއެވެ.
ޑިސެމްބަރު 26، 2004 ގައި ރާއްޖަށް ކުރިމަތިވި ސުނާމީ ކާރިސާގެ ހަނދާންތައް އާ ކުރައްވައި ސައީދު ކުރެއްވި ޓްވީޓެއްގައި ވިދާޅުވީ އެ ދުވަހުގެ ހަނދާންތައް ވަރަށް ބިރުވެރިކަމަށާއި އެ ހާލަތުން އަރައިގަތީ އެކުގައި ކަމަށެވެ.
“ހިތާމައަކީ 16 އަހަރަށް ފަހު މިގައުމުގެ ރައީސް(ރައްޔިތުން އެއްބައިވަންތަ ކުރުމަށް) ވިސްނުނު އެންމެ މޮޅު އުކުޅަކީ، 1953 އާ ހަމައަށް އަތްފުނާ އަޅައި ފަރުދުންގެ މައްސަލަތައް އުފަންކޮށް ނަފްރަތާއި ރުޅިވެރިކަމުން ބައިބައިކުރުން.” ސައީދު ވިދާޅުވިއެވެ.
Tsunami ge handhaan thah biruveri. Haalathun araigathee ekugai. Hithaama akee 16 aharah fahu migaumuge Raees ah (rayyithun ebbaivanthakurumah) visnunu emme molhu ukulhakee,1953 aai hamayah aiyfunaa alhai farudhunge massalathah ufankoh nafurathaai rulhiverikamun baibai kurun.
— Mohamed Saeed (@em_saeed) December 26, 2020
ރާއްޖޭގެ ފުރަތަމަ ޖުމްހޫރިއްޔާއިން ފެށިގެން 2018 ނޮވެންބަރު 17 އާ ހަމައަށް ހިނގާފައިވާ ލާއިންސާނީ އަމަލުތައް ބެލުމަށް އިންތިޤާލީ އިންސާފުގެ ބިލު ރައީސް ވަނީ ތަސްދީގު ކުރައްވާފައެވެ.
ސައީދު ވިދާޅުވި ގޮތުގައި އެ ބިލު އެންމެ ފުރަތަމަ އަރާ ހަމަކުރަނީ މިއަދުގެ ވެރިކަން ކުރާ ކޯލިޝަންގެ ލީޑަރުންނާއެވެ.
advertisment