ކޮވިޑް-19 ކުރިއަށް އޮތް 10 އަހަރުވެސް އިންސާނުންގެ ތެރޭގައި އޮންނާނެ ކަމަށް ބައޯއެންޓެކްގެ ސީއީއޯ އުގުރް ސަހިން ބުނެފި އެވެ.
ވާޗުއަލް ކޮށް ބޭއްވި ނޫސްވެރިންގެ ބައްދަލުވުމެއްގައި ސަހިން އެގޮތަށް ވިދާޅުވެފައިޮވަނީ ކޮވިޑުން އަރައިގަނެވޭނީ ކޮންއިރަކުންތޯ ނޫސްވެރިއަކު ކުރި ސުވާލަކަށް ޖަވާބު ދެމުންނެވެ.
ބަޔޯއެންޓެކް އިން އުފެއްދި ކޮވިޑް-19 ވެކްސިން ދުނިޔޭގެ 45 އަށް ވުރެ ގިނަ ޤައުމުން މިހާރު ވަނީ ހުއްދަ ދީފައެވެ.
ކޮވިޑް-19 ގެ އާ ވެރިއެންޓެއް އުފެދޭއިރު އެ ވެރިއެންޓަށްވެސް ފަރުވާ ކުރެވޭނެ ކަމުގެ އިތުބާރު އޭނާ ވަނީ ނޫސްވެރިންގެ ބައްދަލުވުމުގައި ދީފަ އެވެ.
- އިނގިރޭސިވިލާތުގައި ފެތުރޭ ކޮވިޑުގެ ސަބަބުން ދުނިޔޭގެ 40 ޤައުމަކުން ވަނީ އެޤައުމަށް ދަތުރު ކުރުމާއި އެޤައުމުން އަންނަ ފަރާތްތައް އެތެރެވުން މަނާކޮށްފައެވެ.
advertisment