ކައިވެނީގެ ހަފްލާއަކަށް ދިޔަ މީހުންގެ ތެރެއިން އިތުރު ބަޔަކު ކޮވިޑް-19 އަށް ޕޮޒިޓިވް ވެއްޖެއެވެ.
މިހަފްލާގައި ގާތްގަނޑަކަށް 120 މީހުން ބައިވެރިވިއިރު ރޭގެ ނިޔަލަށް މި ބައްޔަށް ޕޮޒިޓިވް ވެފައިވަނީ 62 މީހުންނެވެ.
މިރޭ ބޭއްވި ނޫސްވެރިންގެ ބައްދަލުވުމެއްގައި އެޗްއީއޯސީގެ ތަރުޖަމާން ޑރ.މަރިޔަމް ނަޒްލާ ރަފީގު ވިދާޅުވީ ކައިވެނި ޕާޓީ އާއި ގުޅިގެން ފުރަތަމަ މީހަކު ކޮވިޑް-19 އަށް ޕޮޒިޓިވްވީ މިމަހުގެ 24 ވަނަ ދުވަހު ކަމަށެވެ.
އަދި 25 ވަނަ ދުވަހު 12 މީހުން 26 ވަނަ ދުވަހު 21 މީހުން 27 ވަނަ ދުވަހު 8 ކޭސް 28 ވަނަ ދުވަހު ތިން ކޭސް 29 ވަނަ ދުވަހު 13 ކޭސް އަދި މިއަދު 8 ކޭސް ފެނިފައިވާ ކަމަށެވެ.
މި ކޭސްތަކާއި ގުޅިގެން ކޮންޓެކްޓުންގެ ގޮތުގައި މިހާތަނަށް 229 ފަރާތެއް ދެނެގަނެވިފައިވާ ކަމަށްވެސް ނަޒްލާ ވިދާޅުވިއެވެ..