މުޅި ރާއްޖެއަށް މޫސުން ގޯސްވާނެ ކަމަށް ލަފާކޮށް ވައިޓް އެލާޓް ނެރެފި

އަދު ހެނދުނު 9:15 އިން ފެށިގެން މެންދުރު ފަހު 1:00 ޖެހުމާއި ހަމައަށް ވައިޓް އެލާޓް ދެމިއޮންނާނެ އެވެ. މެޓުން ބުނީ މި ވަގުތު ތަކުގައި ރާއްޖޭގެ އެކި ހިސާބުތަކަށް ބޯކޮށް ވާރޭ ވެހި ގުގުރާނެ ކަމަށެވެ. އަދި ވިލާގަނޑު ގައި ގަޑި އަކު 40 މޭލަށް ވައިގަދަވާނެ ކަމަށެވެ.

ރާއްޖެއަށް ވިއްސާރަ ކުރި ނަމަވެސް ނޭޝަނަލް ޑިޒާސްޓާ މެނޭޖްމަންޓުން ބުނީ އެއްވެސް ރަށަކަށް ސަރަހަށްދަކަށް ގެއްލުމެއް ލިބިގެން އަދި މިހާތަނަށް ރިޕޯޓެއް ލިބިފައި ނުވާ ކަމަށެވެ. މިހާރު މިއީ ރާއްޖޭގެ އިރުވައި މޫސުވެ. ހިނގަނީ އިރުވައިގެ ފުރަހަޅަ ނަކަތުގެ ފަހު ދުވަހެވެ. މާދަމާ އުތުރުހަޅަ ނަކަތް ފަށާނެ އެވެ. މިއީ އުދައިގެ ނަކަތްތައް ފެށޭ ހިސާބެވެ.