ލޯކަލް ކައުންސިލް އިންތިހާބު ލަސްކުރުމަކީ ގާނޫނު އަސާސީގެ ރޫހު ގެއްލިދާނެ ކަމެއް ކަމަށް ހިތަދޫ ދެކުނު ދާއިރާގެ ކުރީގެ މެމްބަރު އަދި ކައުންސިލް އިންތިހާބުގައި އައްޑޫ ސިޓީގެ މޭޔަރު ކަމަށް ވާދަކުރައްވާ އަލީ ނިޒާރު ވިދާޅުވެއްޖެއެވެ.
ނިޒާރު މިހެން ވިދާޅުވެފައިމިވަނީ ކޮވިޑް-19އާ ގުޅިގެން އިއުލާންކޮށްފައިވާ ސިއްހީ ކުއްލި ނުރައްކަލުގެ ހާލަތުގެ މުއްދަތު އިތުރުކުރުމުން ލޯކަލް ކައުންސިލް އިންތިޚާބު މާޗު މަހުގައި ނުބޭއްވޭނެ ކަމަށް އިލެކްޝަންސް ކޮމިޝަނުގެ ރައީސް އަހުމަދު ޝަރީފް ވިދާޅުވުމާ ގުޅިގެންނެވެ.
މިކަމާ ގުޅިގެން ނިޒާރު ކުރެއްވި ޓްވީޓެއްގައި ވިދާޅުވީ އިންތިހާބީ މަގާމުތަކުގެ މުއްދަތު ގާނޫނުން އިތުރުކޮށް ދެމިތިބުމާއި، ބޭތިއްބުމަކީ ހުދުމުހުތާރު ސިފައެއް ކަމަށެވެ.
“އިންތިހާބު އަވަސްކޮށް އަތޮޅުތަކުގެ ހިންގުން ރައްޔިތުންނަށް ދޫކޮށަލަން ގޮވާލަން. ރައްޔިތުން ރުހޭގޮތް ވަނީ ހާމަކޮށްފައި.” ނިޒާރު ވިދާޅުވިއެވެ.
LCE lasvumakee QA ge roohu gellidhaane kamei. Inthihaabee magaamuthakuge muhdhathu Qaanoonun ithurukoh dhemithibumaai , beythibbumakee hudhumuhuthaaru sifa eh. Inthihaab avas koh atholhu thakuge hingun Rayyithun nah dhookollan govaalan. Rayyithun ruhey goi vanee haama koffa. pic.twitter.com/aRZuasjel5
— Ali Nizar (@DhekunuNizar) January 5, 2021
އިލެކްޝަންސް ކޮމިޝަނުން ކުރިން ނިންމީ މިދިޔަ އޭޕްރީލް މަހުގެ ތެރޭގައި ކައުންސިލް އިންތިޚާބު ބޭއްވުމަށެވެ. ނަމަވެސް ކޮވިޑާ ގުޅިގެން އިއުލާންކުރި ސިއްހީ ކުއްލި ނުރައްކަލުގެ ޙާލަތާ ގުޅިގެން އެ އިންތިހާބު ވަނީ މިއަހަރަށް ފަސްކޮށްފަ އެވެ.
އަދި އިންތިޚާބާބެހޭ ޚާއްސަ ޤާނޫނެއް އެކުލަވާލައި އައު އިންތިޚާބެއް ބާއްވައި ހުވާކުރުމާ ހަމައަށް މިހާރު ތިބި ކައުންސިލަރުން ތިބޭގޮތަށް ޤާނޫނަށްވަނީ ބަދަލު ގެނެސްފައެވެ.