އެތައް ދުވަހަކަށްފަހު ސްކޫލުތައް އަލުން ހުޅުވައި ކިޔަވަން ފެށުމުން މިއީ ދަރިވަރުންނަށް އުނގެނުމަށް އިތުރު ފުރުޞަތުތަކެއް ފަހިވެގެންދާނެ އުއްމީދީކަމެއްކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
2020 ވަނަ އަހަރު ދިރާސީ އަހަރުގެ ދެވަނަ ޓާމުގެ ކިޔެވުން ފެށުމާގުޅިގެން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ކުރެއްވި ޓުވިޓެއްގައި ވިދާޅުވީ ސްކޫލްތައް އަލުން ހުޅުވާލުންވެގެންދާނީ ދަރިވަރުންނަށް އެކުދިންގެ ކުރީގެ ރައްޓެހިންނާއި އަލުން ބައްދަލުވެ، އައު ރައްޓެހިންވެސް ހޯދުމަށް ލިބިގެންދާނެ ފުރުޞަތެއްގެ ގޮތުގައި ކަމަށެވެ.
އަދި ދަރިވަރުންނަށް އުނގެނުމަށް އިތުރު ފުރުޞަތުތަކެއް ލިބިގެންދާނެކަމެއްކަމަށް ރައީސުލްޖުމްހޫރިއްޔާ ވިދާޅުވިއެވެ. އެމަނިކުފާނުވަނީ ދަރިވަރުންނާއި، ޓީޗަރުންނާއި ބެލެނިވެރިންނަށްވެސް ކާމިޔާބީއަށް އެދިވަޑައިގެންފައެވެ.
Wishing our students, teachers and parents a great year as students return to their classrooms after many months of pandemic shutdown. May your return to school be filled with wonderful learning opportunities while reconnecting with old friends and making new ones.
— Ibrahim Mohamed Solih (@ibusolih) January 10, 2021
ރާއްޖޭގެ ސްކޫލުތަކުގައި އަލުން ކިޔެވުން ފެށުމާގުޅިގެން ރައީސުލްޖުމްހޫރިއްޔާގެ ނައިބު ފައިޞަލް ނަސީމްވެސް ވަނީ ދަރިވަރުންނާއި މުދައްރިސުންނަށް އަދި ތަޢުލީމީ ދާއިރާގައި ހަރަކާތްތެރިވާ ހުރިހާ ފަރާތްތަކަކަށް މަރުހަބާ ވިދާޅުވެ ޓްވީޓުކުރައްވާފައެވެ.
އެމަނިކުފާނުގެ ޓްވީޓުގައި ކޮވިޑް-19ގެ ބަލިމަޑުކަމުގެ ތެރެއިން ކުރިމަތިވި ގޮންޖެހުންތަކާއެކުވެސް ރާއްޖޭގެ ސްކޫލުތައް އަލުން ހުޅުވާލުންވެގެންދިޔައީ ލިބުނު ބޮޑު އުފަލަކާއި ހިތްހަމަޖެހުމެއް ކަމަށް ވިދާޅުވެފައެވެ.
advertisment