އިދިކޮޅު ޕީޕީއެމް/ ޕީއެންސީ ކޯލިޝަން ބައިބައި ކޮށްލުމަށް ކުރަމުންދާ މަސައްކަތް ވަރަށް ކައިރިން ބަލަމުންދާ ކަމުގައި ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
އަދުރޭ ކުރެއްވި ޓްވީޓެއްގައި ވިދާޅުވީ ޕީޕީއެމް/ޕީއެންސީ ބައިބައި ކުރަން ގާތުންނާ ދުރުން ކުރަމުންދާ މަސައްކަތަކީ ބޭކާރު މަސައްކަތެއް ކަމަށާއި ރައީސް ޔާމީންގެ ފުރިހަމަ އިތުބާރު އިދިކޮޅު ލީޑާޝިޕަށް އެބައޮތް ކަމަށެވެ.
“މިތިބީ ވަރަށް ރަނގަޅަށް ލޯހުޅުވައިގެން ބާޒުތަކުގެ ޙަރަކާތްތަކަށް ފާރަވެރިކަމާއެކު ބަލަން.” އަދުރޭ ވިދާޅުވިއެވެ.
PPM/PNC ބައިބައި ކުރަން ގާތުންނާ ދުރުން ތިޔަކުރާ މަސައްކަތަކީ ބޭކާރު މަސައްކަތެއް. ރައީސް ޔާމީންގެ ފުރިހަމަ އިތުބާރު PPM/PNCގެ ލީޑަރޝިޕަށް އެބައޮތް. މިތިބީ ވަރަށް ރަނގަޅަށް ލޯހުޅުވައިގެން ބާޒުތަކުގެ ޙަރަކާތްތަކަށް ފާރަވެރިކަމާއެކު ބަލަން #ރައީސްޔާމީންމިނިވަންކުރޭ #މީމަގޭރާއްޖެ pic.twitter.com/JaP59rftSK
— Abdul Raheem Abdulla (@Banafsaa) January 10, 2021
އިދިކޮޅު ކޯލިޝަން ތެރޭގައި ބައިބައިވުން އޮތްކަަށް ބުނެ ބައެއް ފަރާތްތަކުން ވާހަކަ ދައްކަމުންދަނީ ކުރިއަށް އޮތް ކައުންސިލް އިންތިޚާބާއި ދިމާކޮށް ޕާޓީ ތެރޭގައި ފިތުނަ ފަސާދަ އުފައްދައި، މެމްބަރުން މާޔޫސް ކޮށްލުމަށް ކަމަށް އިދިކޮޅު ކޯލިޝަނުން ބުނެއެވެ. އަދި މިއީ ކޮންމެ އިންތިޚާބަކާއި ދިމާކޮށް ޕާޓީ ބައިބައިކޮށް، ލީޑަރޝިޕްގެ ތެރޭގައި ފިތުނަ ފަސާދަ އުފެއްދުމަށް ކުރަމުންދާ މަސައްކަތެއް ކަމަށާއި، މިއީ އާކަންތައްތަކެއް ނޫންކަމަށް އިދިކޮޅު ކޯލިޝަނުުން ވަނީ ބުނެފައެވެ.
advertisment