މޯލްޑިވްސް ޓްރާންސްޕޯޓު އެންޑް ކޮންޓްރެކްޓިން ކޮމްޕެނީ، އެމްޓީސީސީން ތ. އަތޮޅާއި ލ. އަތޮޅާ ދެމެދު ލޯންޗް ފެރީ ދަތުރު ކުރާ ގަޑިތަކަށް ބަދަލު ގެނެސްފި އެވެ.
މީޑިއާތަކާއި މައުލޫމާތުތައް ހިއްސާކޮށް އެމްޓީސީސީއިން ބުނީ، ބަދަލު ގެނެސްފައިވަނީ ތ. ވޭމަންޑޫއިން އެ އަތޮޅު ތިމަރަފުށި އަދި ތިމަރަފުށިން ލ. ގަމަށް ހެނދުނު ގަޑީގައި ކުރާ ދަތުރުތަކުގެ ވަގުތަށް ކަމަށެވެ.
މިހާރު ގެނައި ބަދަލުން، ކުރިން ވޭމަންޑޫއިން ހެނދުނުގެ 07:00 ގައި ތިމަރަފުށިއަށް ކުރާ ފެރީ ދަތުރު ދެން އޮންނާނީ 11:30 ގައެވެ. އަދި ތިމަރަފުށިން،07:15 ގައި ގަމަށް ދަތުރު ކުރާ ފެރީ ދެން އޮންނާނީ 11:45 ގައެވެ.
އެމްޓީސީސީއިން ތ. އަތޮޅާއި ލ. އަތޮޅާ ދެމެދު ލޯންޗު ފެރީގެ ހިދުމަތް ފެށީ މިދިޔަ ޑިސެމްބަރު މަހުގެ ތެރޭގައެވެ.
Updated launch ferry schedule of Th. and L. Atoll. pic.twitter.com/33xgu0HEpS
— MTCC Plc (@MTCCPlc) January 22, 2021
އެމްޓީސީސީގެ، ލޯންޗު ފެރީ ކޮންމެ ހަފްތާއެއްގެ ވެސް އާދީއްތަ، އަންގާރަ، ބުރާސްފަތި އަދި ހޮނިހިރު ދުވަހު ދަތުރުކުރާނެ އެވެ.