ގިިނަ ބަޔަކު ކޮވިޑް-19 ވެކްސިން ޖަހައިފިނަމަ އާންމު ހާލަތަށް ދިޔުން އަވަސްވާނެ ކަމަށް އެޗްޕީއޭއިން ބުނެފިއެވެ.
އެޗްޕީއޭ އިން އާންމުކުރި ކޮވިޑްގެ ސުވާލާއި ޖަވާބު ހިމެނޭ މައުލޫމާތުތަކުގައި ބުނެފައިވަނީ ވެކްސިން ޖެހުން މަޖުބޫރު ނޫން ކަމަށާއި ނަމަވެސް ގިނަ ބަޔަކު މި ވެކްސިން ޖަހައިފިނަމަ، އާންމު ހާލަތަށް ރުޖޫއަވުން އަވަސްވާނެ ކަމަށެވެ.
ވެކްސިން ޖެހުމަށް ދެކޮޅު ހެދުމަކީ މުޅި ދުނިޔޭގައި ވެސް ހިނގާ ކަމެއް ކަމަށާއި މިއީ ރާއްޖޭއިން ވެސް ފާހަގަވަމުން އަންނަ މައްސަލައެއް ކަމަށް އެޗްޕީއޭ އިން ބުނެއެވެ. .
ކޮވިޑް-19 އާއި ގުޅިގެން މިހާތަނަށް އުފައްދާފައިވާ ވެކްސިން ތަކަކީ ކަނޑައަޅާފައިވާ ވަކި އުމުރުފުރާއަކަށް ޓެސްޓުކޮށްފައިވާ ވެކްސިންތަކެއް ކަމަށް އެޗްޕީއޭ އިން ބުނެއެވެ.
advertisment