ޖުޑިޝަރީ އިސްލާހުކުރަން ރައީސް އިބްރާހިމް މުހައްމަދު ސޯލިހު ވީ ވައުދު މިވީ އޮޅުވާލުމަކަށް ކަމަށް ކުރީގެ ނައިބް ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
ކުރީގެ ރައީސް އަބްދުﷲ ޔާމީނުގެ މައްޗަށް ކުރިމިނަލް ކޯޓުން އިއްވާފައިވާ ހުކުމް ދަމަހައްޓަން ހައިކޯޓުން ވަނީ ތާއީދުކޮށްފައެވެ.
މިކަމާ ގުޅިގެން ޖަމީލް ކުރެއްވި ޓްވީޓެއްގައި ވިދާޅުވީ، ރައީސް ޔާމީނަށް ހައިކޯޓުން ކުރި ހުކުމުން އެނގުނީ ޖުޑިޝަރީއަށް ސަރުކާރުން ބަދަލުގެނައީ ސީދާ ވަކިބަޔަކަށް ޓާގެޓްކޮށްގެންކަންކަމަށާއި، ޒަމާންވީ މިސަޤާފަތް ބަދަލުކުރުމަށް ރައީސް ސޯލިހު ވެވަޑައިގެންނެވި ވަޢުދު އޮޅުވާލުމަކަށްވެފައިވާކަމަށެވެ.
ރައީސް ޔާމީނަށް ހައިކޯޓުން ކުރި ހުކުމުން އެނގުނީ ޖުޑިޝަރީއަށް ސަރުކާރުން ބަދަލުގެނައީ ސީދާ ވަކިބަޔަކަށް ޓާގެޓްކޮށްގެންކަން. ޒަމާންވީ މިސަޤާފަތް ބަދަލުކުރަން @ibusolih ވީ ވަޢުދު މިވީ އޮޅުވާލުމަކަށް.އިންސާފު ނުދިނުން އެންމެ ބޮޑު އަނިޔާ. މިކަމުގެ ހިތި މިބޭފުޅުންވެސް ދެކޭނެ pic.twitter.com/2bPlFwW0fA
— Mohamed Jameel Ahmed (@MJameelAhmed) January 24, 2021
މަނީ ލޯންޑަރިންގެ ކުށް ސާބިތުވެ ކުރީގެ ރައީސް ޢަބްދުﷲ ޔާމީންގެ މައްޗަށް ކްރިމިނަލް ކޯޓުން އިއްވާފައިވާ ޙުކުމަށް ހައިކޯޓުން ތާއީދުކޮށްފައި ވަނީ މިމަހުގެ 21 ވަނަ ދުވަހު ބޭއްވި ޝަރީއަތުގައެވެ. އެދުވަހުގެ ޝަރީއަތުގައި ދެ ފަނޑިޔާރަކުވަނީ ރައީސް ޔާމީނަށް އިއްވި ހުކުމުގައި ހެކިބަސް ދީފައިވަނީ ފާސިގުންކަމަށް ވިދާޅުވެ، އެހެކިވެރިންގެ ހެކިބަސް ބަލައި ނުގަނެވޭކަމަށް ވިދާޅުވެފައެވެ.
advertisment