ނުކުޅެދުންތެރިކަން ހުންނަ ފަރާތްްތަކަށް ފުޑްކޯޓަށް ވަނުމަށް އެޅިފައިވާ ހުރަސްތަކަށް ހައްލެއް ގެނެސްދިނުމުގެ މަސައްކަތް ސިޓީ ކައުންސިލުން ފަށައިފިއެވެ.
މި މައްސަލަ ފެންމަތިވެފައި ވަނީ އިއްޔެ ނުކުޅެދުންތެރިކަން ހުންނަ މީހަކު ސޯޝަލް މީޑިއާގައި ހިއްސާކުރި ޕޯސްޓަކާ އެކުއެވެ. އެ ޕޯސްޓުގައި އޭނާ ވަނީ އާންމުކޮށް ގޮސް ވަދެ ހިތް ހަމަ ޖައްސާލަން އިންނަ ތަނަށް ނުވަދެވޭތީ އެކަމާ ކަންބޮޑުވުން ފާޅުކޮށްފައެވެ.
މިކަމާ ގުޅިގެން ސިޓީ ކައުންސިލުން ބުނީ ހާބަރު ސަރަހައްދުގައި ހުންނަ ފުޑް ކޯޓަށް ސައިކަލުގައި ނުވަދެވޭ ގޮތް ހެދުމަށް އެ ތަނުގައި ޖަހާފައި ހުރި ދަގަނޑުތައް ނެގުމުގެ މަސައްކަތް މިހާރު ފަށާފައި ވާކަމަށެވެ.
