ކޮވިޑް-19 ގެ ހާލަތު އަނެއްކާވެސް ގޯސްވަމުން އަންނަ މި ދަނޑިވަޅުގައި އިިދިކޮޅު ކޯލިޝަނުން ކުރިއަށްގެންދާ ބޮޑެތި އެއްވުންތަކާއި، އިހުތިޖާޖުތައް ހުއްޓާލުމަކީ މުޖުތަމައުގެ ސަލާމަތައްޓަކައި ކޮންމެހެން ކުރަންޖެހިފައިވާ ކަމެއްކަމަށް ޝައިޚު އަލީ ޒައިދު ވިދާޅުވެއްޖެއެވެ.
ޒައިދު ކުރެެއްވި ޓްވީޓެއްގަައި ވިދާޅުވީ މިއީ އެއްވެސް ޕާޓީއަކުން ސިޔާސީ ބޮޑެތި އެއްވުންތަކާއި، އިޚުތިޖާޖުތައް ބާއްވަން މުނާސަބު ވަގުތެއް ނޫންކަމަށެވެ. ކޮވިޑްގެ ނުރައްކާތެރިކަން ބޮޑުވެ ބަލިޖެހޭ މީހުން އިތުރުވަމުންދާއިރު އެއްވުންތަކާއި، އިޚުތިޖާޖުތައް ހުއްޓާލުމަކީ މިވަގުތަށް އެންމެ ރައްކާތެރި ގޮތްކަމަށް ޒައިދު ވިދާޅުވިއެވެ.
“މިއީ އެއްވެސް ޕާޓީއަކުން ބޮޑެތި އެއްވުންތައް ބާއްވައި އިޚުތިޖާޖުތައް ކުރަން މުނާސަބު ވަގުތެއްނޫން! ކޭސްތައް މައްޗަށްދާއިރު މިހާރު ކުރިއަށް ގެންދެވޭ ބޮޑެތި އެއްވުންތައް ހުއްޓާލުމަކީ މުޖުތަމައުގެ ރައްކާތެރިކަމަށް ޕީޕީއެމް ޕީއެންސީ އިން ކޮންމެހެންވެސް ކޮށްދެއްވަންޖެހޭ ކަމެއްކަމުގައި ދެކެން!” ޒައިދު ވިދާޅުވިއެވެ.
Mi e ehves party akun bodethi ehvun thah baavvai ihuthijaaj thah kuran munaasab vagutheh noon! Case thah mahchah dhaairu Mihaaru kuriyah gendhevey bodethi ehvun thah huttumaalumakee mujuthamau ge rakkaatheri kamah #ppm #pnc in konmehen ves kohdhehvan jehey kameh kamugai dheken!
— Ali Zaid (@alizaid1000) January 27, 2021
ކޮވިޑްގެ ކޭސްތައް އަނެއްކާވެސް އިތުރުވާން ފާށާފައިވާއިރު، އިދިކޮޅު ފަރާތްތަކުން ދަނީ މާލޭގައާއި، އަތޮޅުތަކުގައި ރައީސް ޔާމީން މިނިވަންކުރުމަށާއި، އިންތިޚާބު އަވަސް ކުރުމަށް ގޮވާލައި އިޚުތިޖާޖު ކުރަމުންނެވެ.