މިޔަންމާގެ މަދަނީ ސަރުކާރު އެ ޤައުމުގެ އަސްކަރިއްޔާއިން މިއަދު އިންގިލާބު ކުރި ކުރުން، ފެބްރުއަރީ 7، 2012އާ އެއްވަރު ކުރުމަކީ ދިވެހި ސިފައިންނަށް ގޯނާ ކުރުން ކަމުގައި ކުރީގެ ރައީސް ޑރ. މުހައްމަދު ވަހީދު ހަސަން މަނިކު ވިދާޅުވެއްޖެއެވެ.
މިޔަމްމާގެ އަސްކަރިއްޔާއިން އެޤައުމުގެ ލީޑަރު އަން ސަން ސޫކީ ހައްޔަރު ކުރުމާއި ގުޅިގެން 7 ފެބުރުއަރީ 2012 ގެ ހަނދާން އާކުރައްވައި ރައީސް ނަޝީދު ވިދާޅުވީ ބަރުމާގައި ހިނގަމުދަނީ ބަޣާވާތެއްކަމަށާއި އަދި އޭއީ އެމަނިކުފާނު ވެރިކަމުން ވައްޓާލުމަށް ރާއްޖޭގައިވެސް އޭރު ހިންގިފަދަ ބަޣާވާތެއްކަމަށެވެ.
ނަޝީދު ދެއްކެވި ވާހަކަފުޅުތަކަށް ރައްދު ދެއްވައި ޑރ.ވަހީދު ކުރެއްވި ޓުވީޓެއްގައި ވިދާޅުވީ މިޔަންމާގެ އަސްކަރީ އިންގިލާބާއި 7 ފެބްރުއަރީގެ ރިޔާސީ އިސްތިއުފާ އާއި އެއްވަރު ކުރުމަކީ ދިވެހި ލޮބުވެތި ސިފައިންނަށް ގޯނާކުރުން ކަމަށެވެ.
މިޔަންމާގެ މިލިޓްރީ އިންގިލާބާ ފެބްރުއަރީ 7ގެ ރިޔާސީ އިސްތިއުފާޔާ އެއްވަރު ކުރުމަކީ ދިވެހި ލޮބްވެތި ސިފައިންނަށް ގޯނާކުރުން. @avasmv
— Mohamed Waheed (@DrWaheedH) February 1, 2021
ހަތެއް ފެބްރުއަރީ 2012 ވަނަ ވެރިކަން ބަދަލުވެފައިވާ ގޮތާއި ގުޅޭގޮތުން އެކުލަވާލި ކޯނީ ރިޕޯޓުން ހާމަވެފައިވަނީ ވެރިކަމުން ރައީސް ނަޝީދު އިސްތިއުފާ ދެއްވާފައިވަނީ އެއްވެސް މަޖުބޫރުކަމެއްނެތި އަމިއްލަ އިހުތިޔާރުގައިކަމަށެވެ.
advertisment