ކޮވިޑް-19 ކޭސްތައް އިތުރުވާތީ މާލެ ސަރަހައްދުގައި އިންސްޕެކްޝަނެއް ފެށުމަށް އެޗްޕީއޭ އިން ތައްޔާރުވެއްޖެއެވެ.
އެޗްޕީއޭ އިން ބުނީ މިދުވަސްވަރު މާލެ ސަރަހައްދުގައި ކޮވިޑަށް ޕޮޒިޓިވްވާ މީހުންގެ އަދަދު އިތުރުވަމުންދާތީ ބަލި ކޮންޓްރޯލް ކުރުމަށް ކުރެވޭ މަސައްކަތެއްގެ ގޮތުން ގައިޑްލައިންތަކާ އެއްގޮތަށް ޢަމަލުކުރަމުންދާކަން ދެނެގަތުމަށް އާންމު ޚިދުމަތްދޭ ތަންތަން ބަލާފާސްކުރުމަށް ނިންމާފައިވާ ކަމަށެވެ.
މި އިންސްޕެކްޝަން ކުރިއަށްދާނީ އެޗްޕީއޭ އާއި މޯލްޑިވްސް ޕޮލިސް ސާރވިސަސް އަދި ސަރުކާރުގެ އެހެނިހެން އިދާރާތައް ގުޅިގެންނެވެ.
ކޮވިޑް-19 އާ ގުޅިގެން ހެދިފައިވާ ގައިޑްލައިންތަކާ އެއްގޮތަށް ޢަމަލު ކުރޭތޯ ބެލުމަށް މީގެ ކުރިންވެސް
އެކި ފަހަރުމަތިން އެޗްޕީއޭ އިން ވަނީ އިންސްޕެކްޝަންތައް ކުރިއަށް ގެންގޮސްފައެވެ.
advertisment