އިސްރާއީލުން ކޮވިޑް ވެކްސިންގެ 5،000 ޑޯޒް ފަލަސްތީނަަައް ދޭނެ ކަމަށް ބުނެފި އެވެ.
އިސްރާއީލްގެ ބައެއް މީޑިއާތަކުގައި ބުނެފައިވާ ގޮތުން ވެކްސިން ފޯރުކޮށްދެނީ ސިއްހީ ދާއިރާގައި މަސައްކަތް ކުރާ މީހުންގެ ގަޔަށް ޖެހުމަށެވެ.
އިސްރާއީލުން ދަނީ އެގައުމުގެ ރައްޔިތުންނަށް ފައިޒާ އާއި ބަޔޯއެންޓެކްގެ ވެކްސިން އާއި މޮޑާނާގެ ވެކްސިންވެސް ދެމުންނެވެ.
އެގައުމުން ވަނީ މިހާތަނަށް އެގައުމުގެ ތިން މިލިއަނަށް ވުރެ ގިނަ މީހުންނަށް ވެކްސިންގެ އެއް ޑޯޒް ދީފަ އެވެ.
އިސްރާއީލުން ވެކްސިން ދޭ މީހުންގެ ތެރޭގައި އެގައުމުގެ އަރަބި ރައްޔިތުންނާއި އިރުމަތީ ގުދުސްގައި ދިރިއުޅޭ ފަލަސްތީނުގެ ރައްޔިތުން ހިމެނެ އެވެ.