މިއަދު ހަވީރު ރައީސް ސޯލިހް ނޫސްވެރިންނާ ބައްދަލު ކުރައްވަނީ

މިއަދު ހަވީރު 4:00 ގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ނޫސްވެރިންނާ ބައްދަލު ކުރައްވާ ގޮތަށް ހަމަޖެހިއްޖެއެވެ.

ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ މިއަދު 4:00 ޖަހާއިރު ރައީސް ސޯލިހް ނޫސްވެރިންނާ ބައްދަލު ކުރައްވާނީ ވާޗުއަލް ކޮށް ކަމަށެވެ.

ރައީސް ސޯލިހް އެންމެ ފަހުން ނޫސްވެރިންގެ ބައްދަލުވުމެއް ބާއްވަވާފައިވަނީ މިދިޔަ އަހަރުގެ ޖޫން މަހުގެ 23 ވަނަ ދުވަހުއެވެ.

ރައީސް ނޫސްވެރިންނާއި ބައްދަލު ނުކުރައްވާތާ ގިނަ ދުވަސްތަކެއް ވެފައި ވުމާއި ގުޅިގެން ގިނަ ނޫސްވެރިންތަނެއް ވަނީ ރައީސްގެ އަރިހުގައި އެކަމުގެ ކަންބޮޑުވުން ހިއްސާކޮށްފައެވެ.