ކޮވިޑް-19 އަށް މިއަދު ރާއްޖެއިން 300 މީހުން ޕޮޒިޓިވް ވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އާއްމު ކުރި މައުލޫމާތުން ދައްކާގޮތުގައި ފާއިތުވި 24 ގަޑި އިރު ތެރޭ ރާއްޖެއިން ޕޮޒިޓިވްވީ މީހުންގެ ތެރެއިން 94 މީހުން ޕޮޒިޓިވްވެފައިވަނީ މާލެ ސަރަހައްދުންނެވެ.
މިއަދުގެ އަދަދު ތަކާއި އެކު ރާއްޖެއިން ޕޮޒިޓިވްވީ ޖުމްލަ މީހުންގެ އަދަދު މިވަނީ 24،379 އަށް އަރާފައެވެ. 21،282 މީހުން ބަލިން ރަނގަޅުވެފައިވާ އިރު 101 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ. ރާއްޖެއިން މިހާތަަނަށް މިބަލީގައި 67 މީހަކު ވަނީ މަރުވެފައެވެ.
300 ޕޮޒިޓިވް ކޭސް ފާއިތުވި 24 ގަޑިއިރުތެރޭ ފެނިފައިވާއިރު، އެޗްޕީއޭ އިން މިއަދު ވަނީ މާލޭގައި އިއުލާންކޮށްފައިވާ ކާފިއު އުވާލައި ފިޔަވަޅުތަކަށް ލުއިތައް ދީފައެވެ.
advertisment