ކުރިއަށް ރޯދަ މަހަށް ކުރީގެ ރައީސް އަބްދުﷲ ޔާމީން ގެއަށް ބަދަލުކޮށްދިނުމަށް ކުރީގެ ރައީސް ޑރ.މުހައްމަދު ވަހީދު ސަރުކާރަށް ގޮވާލައްވައިފިއެވެ.
ރޭ ޕްރޮގްރެސިވް ކޯލިޝަނުން ބޭއްވި ޖަލްސާއެއްގައި ވާހަކަފުޅުދައްކަވަމުން ވަހީދު ވިދާޅުވީ ޔާމީން ނުހައްގުން ބަންދުކުރެވި ޖަލުގައި އޮންނަވަައި އެއް ރޯދަ މަސް ނިމި އަނެއް ރޯދަމަހާ ކުރިމަތިލާން ތައްޔާރުވަމުންދާ ކަމަށާއި އެމަނިކުފާނު ގެއަށް ބަދަލުކޮށްދިނުމަށް އެދިވަޑައިގަންނަވާ ކަމަށެވެ.
“އަޅުގަނޑު އުއްމީދު ކުރަން މި ސަރުކާރުގެ އެއްވެސް ކަހަލަ އޯގާތެރިކަމެއް، އިހުސާންތެރިކަމެއް ހުރިކަމަށްވާނަމަ އެމަނިކުފާނު މި ރޯދަ މަހު ގެއަށް ފޮނުއްވައިދެއްވާނެ ކަމަށް” ވަހީދު ވިދާޅުވިއެވެ.
ލީޑަޝިޕްގައި ތިއްބެވި ބައެއް ބޭފުޅުން ވެސް މީގެކުރިން ވަނީ އެމަނިކުފާނު ގެއަށް ބަދަލުކޮށްދިނުމަށް ސަރުކާރަށް ގޮވާލާފައެވެ