މަޖިލީހުގެ އިދާރާގެ ހުއްދައާއެކު މެމްބަރުން ދާއިރާތަކަށް ކުރައްވާ ދަތުރުތަކަކީ ރަސްމީ މަސައްކަތުގެ ގޮތުގައި ހަމަޖައްސައިފިއެވެ.
މަޖިލީހުގެ އާންމު ކޮމިޓީން މިގޮތަށް ހަމަޖައްސާފައިވަނީ މަޖިލީހުގެ ރައީސް މުހައްމަދު ނަޝީދު އެކޮމިޓީއަށް ހުށަހެޅި މައްސަލައެއް ދިރާސާކުރެއްވުމަށް ފަހުއެވެ.
މިއަދުގެ މަޖިލީހުގެ ޖަލްސާ ފައްޓަވަމުން ރައީސް ނަޝީދު ވިދާޅުވީ އެއްވެސް މެންބަރަކު، އެ މެންބަރެއްގެ ދާއިރާއަށް ވަޑައިގަތުމަށް އެދިވަޑައިގަންނަވާނަމަ ލިޔުމަކުން މަޖިލީހުގެ އިދާރައަށް ހުށަހަޅަން އެދިވަޑައިގަންނަވާ ކަމަށެވެ.
އަދި މިގޮތަށް މެމްބަރުން ދާއިރާއަށް ދަތުރުކުރެއްވުމުން މަޖިލީހުގެ ޖަލްސާގެ ހާޒިރީއާއި ކޮމިޓީ ހާޒިރީގައި އެ މެމްބަރަކު ރަސްމީ ދަތުރެއްގައި ހުންނެވިކަން އިނގޭގޮތަށް ޖަހަންޖެހޭނެކަމަށް އާންމު ކޮމިޓީން ވަނީ ކަނޑައަޅާފައެވެ.