ރާއްޖޭގައި ކޮވިޑް-19 އިން ދިފާއުވުމުގެ ވެކްސިން ޖެހޭ އާބާދީގެ 57 ޕަސެންޓް މީހުންނަށް ވެކްސިންގެ ފުރަތަމަ ޑޯޒް ދީފިއެވެ.
އެޗްޕީއޭ އިން ބުނީ ރާއްޖޭގައި ވެކްސިން ޖެހޭ އާބާދީގެ 57 ޕަސެންޓް މީހުންނަށް ވެކްސިންގެ ފުރަތަމަ ޑޯޒް މިހާރު ދެވިފައިވާ ކަމަށެވެ.
ރާއްޖޭގައި ކޮވިޑް-19ގެ ވެކްސިން ދޭން ފަށާފައިވަނީ މިދިޔަ ފެބްރުއަރީ މަހުން ފެށިގެންނެވެ.
އެގޮތުން މިހާތަނަށް ރާއްޖޭގެ 251،139 މީހަކު ވަނީ ވެކްސިން ޖަހައިފަ އެވެ.
އަދި މިދިޔަ ހޮނިހިރު ދުވަހުން ފެށިގެން ރާއްޖޭގައި ވެކްސިންގެ ދެވަނަ ޑޯޒު ޖަހަން ފަށާފައިވާއިރު، މިހާތަނަށް ދެވަނަ ޑޯޒު 5753 މީހުން ވަނީ ޖަހާފައެވެ.