އިނގިރޭސިވިލާތުގެ ރާނީ އެލިޒަބަތު ގެ ފިރިކަލުން ޕްރިންސް ފިލިޕް އަވަހާރަވުމާއި ގުޅިގެން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ތައުޒިޔާގެ މެސެޖެއް ފޮނުއްވައިފިއެވެ.
ޕްރިންސް ފިލިޕް އަވަހާރަވެފައިވާކަން އިނގިރޭސިވިލާތުގެ ޝާހީ އާއިލާ އިން ވެސް ވަނީ ކަށަވަރުކޮށްދީފައެވެ. ޕްރިންސް ފިލިޕް އަވަހާރަވެފައިވަނީ އުމުރުފުޅުން 99 އަހަރުގައި ވިންޑްސަރ ކާރސަލްގައެވެ.
މިކަމާއި ގުޅިގެން ޓްވީޓް ކުރައްވަމުން ރައީސް ވަނީ، ރާނީ އެލިޒަބަތަށާއި، ޝާހީ އާއިލާއަށް އަދި އިނގިރޭސިވިލާތުގެ ހުރިހާ ރައްޔިތުންނަށް ތައުޒިޔާ ފޮނުއްވާފައެވެ.
މީގެއިތުރުންވެސް، ޕްރިންސް ފިލިޕް އަކީ ރައްޔިތުންނަށް ހިދުމަތް ކުރުމުގައި ނަމޫނާ ދެއްކެވި ބޭފުޅެއްކަމަށް ރައީސް ވިދާޅުވިއެވެ. އަދި، 1972 ވަނަ އަހަރު ރާނީގެ އަރިހުގައި ޕްރިންސް ފިލިޕް ދިވެހިރާއްޖެއަށް ކުރެއްވި ޒިޔާރަތް މިވަގުތު ދިވެހިން ހަނދުމަ ކުރާ ކަމަށްވެސް އެމަނިކުފާނު ވިދާޅުވިއެވެ.
advertisment