ކުރީގެ ކުޅިވަރު މިނިސްޓަރު އަދި ހަވީރު ނޫހުގެ ޗެއާމަން ޑރ. މުހައްމަދު ޒާހިރު ހުސެއިންގެ އަނބިކަނބަލުން ނާއިލާ އިބްރާހިމް ކަލޭފާނު މިއަދު އަވަހާރަވެއްޖެއެވެ.
ފަސްޓްލޭޑީ ފަޒްނާ އަހުމަދު ފޭސްބުކްގައި ކުރެއްވި ޕޯސްޓެއްގައި ވިދާޅުވީ ނާއިލާ އަވަހާރަވި ހަބަރު ލިބިވަޑައިގަތީ ފުންހިތާމައާ އެކު ކަމަށެވެ.
ނާއިލާއަކީ ގިނަ ފަރާތްތަކަކަށް އުނގަންނައި ދެއްވި މުދައްރިސެކެވެ. އޭނާގެ ފަރާތުން ދަރިވަރުވެފައިވާ މީހުން މިހާރު ރާއްޖޭގެ އެކި ދާއިރާ ތަކުގައި ހަރަކާތްތެރިވަމުން ދެއެވެ.
ކިޔަވައިދިނުމުގެ އިތުރުން، ނާއިލާ އަކީ މޮޅު ކެއްކުންތެރިއެކެވެ. އެގޮތުން އޭނާ ވަނީ ކެއްކުމާ ބެހޭ ފޮތް ލިޔެ، ނެރުއްވާފައެވެ. އޭގެތެރޭގައި “ޒީނާރު” ހިމެނެއެވެ.