މިދިޔަ ހޮނިހިރު ދުވަހު ބޭއްވި ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކުގެ އިންތިޚާބުގެ ވަގުތީ ނަތީޖާގެ މިހާތަނަށް 91 ޕަސެންޓް އިއުލާން ކުރެވިފައިވާކަމަށް އިލެކްޝަންސް ކޮމިޝަނުން ހާމަކުރައްވައިފިއެވެ.
އިލެކްޝަން ކޮމިޝަންގެ ނާއިބް ރައީސް އިސްމާއިލް ހަބީބު ކުރެއްވި ޓްވީޓުގައި ވިދާޅުވީ މިރޭވެސް ވަގުތީ ނަތީޖާގެ ބޮޑު ބައެއް އިއުލާން ކުރެވިގެންދާނެކަމަށެވެ.
އިލެކްޝަނުން ވަނީ މިއަދުގެ ނިޔަލަށް ވަގުތީ ނަތީޖާ އިއުލާން ކޮށް ނިންމޭނެ ކަމަށް ބުނެފައެވެ. އެގޮތުން މިރޭ އިން ފެށިގެން ނަތީޖާއަށް އިއުލާންކޮށް ނިންނުމަށް ކޮމިޝަނުން ދަނީ މަސައްކަތް ކުރަމުންްނެވެ.
މިހާތަނަށް އިއުލާން ކުރެވުނު ވަގުތީ ނަތީޖާތަކަށް ބަލާއިރު ލޯކަލް ކައުންސިލް އިންތިޚާބުގެ 91 ޕަސެންޓް ނަތީޖާއާއި، އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކުގެ 86 ޕަސެންޓް ވަނީ އިއުލާންކޮށްފައެވެ.
advertisment